ខេត្តស្វាយរៀង ៖ ព័ត៌មានបឋមនៅខេត្តស្វាយរៀង មានភ្លៀងមួយមេធំលាយឡំខ្យល់កន្ត្រាក់ បណ្តាលឱ្យដួលរំលំផ្ទះសម្បែងរបស់ប្រជាពលរដ្ឋជាច្រើនខ្នង នៅឃុំមុខដា ស្រុករមាសហែក និងរបើកដំបូល បាក់រលំដើមឈើ បង្គោលភ្លើង និងបង្គោលសូឡាជាច្រើនកន្លែង ។
ចំណែកនៅក្រុងស្វាយរៀងវិញ នៅវេលាម៉ោង០៤និង៣០នាទីល្ងាច ថ្ងៃទី២៨ ខែឧសភា ឆ្នាំ២០២៦ ក៏មានភ្លៀងធ្លាក់មួយមេធំដែរ និងលាយឡំខ្យល់កន្ត្រាក់ ព្រមទាំងមានធ្លាក់ដុំព្រឹលដោយកន្លែង និងបណ្ដាលឱ្យរំលំបាក់ដើមឈើ និងគ្រោងដែកកន្លែងតាំងលម្អអំពូលភ្លើងអគ្គិសនីនៅទំនប់តាណេង មាត់ច្រាំងទន្លេវៃគោ ក្រុងស្វាយរៀង ដួលរាបដល់ដី និងបាក់រលំបង្គោលសូឡាអស់ជាច្រើនដើម ។
ជាបឋម សមត្ថកិច្ចកំពុងមកជួយរុះរើ និងរង់ចាំរបាយការណ៍របស់អាជ្ញាធរមូលដ្ឋាន។ ពេលនេះ នៅពុំទាន់ដឹងថា គ្រោះធម្មជាតិខាងលើនេះ មានផលប៉ះពាល់ដល់ផ្ទះសម្បែង ក៏ដូចជាបង្កគ្រោះថ្នាក់ដល់មនុស្ស ឬសត្វកម្រិតណាឡើយនោះទេ។ ព័ត៌មានលម្អិតយើងនឹងរាយការណ៍បន្តនៅពេលក្រោយទៀត ៕
ចែករំលែកព័តមាននេះ