ខេត្តសៀមរាប ៖ ក្រុមវេជ្ជបណ្ឌិតនៃមន្ទីរពេទ្យបង្អែកខេត្តសៀមរាប បានធ្វើការវះកាត់យកក្បាលគ្រា.ប់៦០មីលីម៉ែត្រ ដែលមិនទាន់ផ្ទុះចេញពីខ្លួនជនរងគ្រោះបានដោយជោគជ័យ ។ រដ្ឋបាលខេត្តសៀមរាបបានប្រកាសនាព្រឹកថ្ងៃទី២៨ ខែឧសភានេះ
រដ្ឋបាលខេត្តសៀមរាប បានបន្តថា កាលពីថ្ងៃពី២៧ ខែឧសភា ឆ្នាំ២០២៦នេះ នៅមន្ទីរពេទ្យបង្អែកខេត្តសៀមរាប បានទទួលប្អូនស្រីរងគ្រោះមកពីខេត្តឧត្តរមានជ័យ ដែលបានរងគ្រោះថ្នាក់ដោយសារការផ្ទុះគ្រា.ប់សំណល់យុទ្ធភណ្ឌសង្គ្រាម នៅពេលដុតសម្អាតព្រៃ ធ្វើស្រែចម្ការ ។ ហេតុការណ៍នេះ គួរឱ្យភ្ញាក់ផ្អើលបំផុតនោះ គឺក្បា.លគ្រា.ប់៦០មីលីម៉ែត្រមួយគ្រាប់ ក្នុងចំណោមគ្រាប់ដែលផ្ទុះផ្សេងទៀត បានបុកចូលពីក្រោយដងខ្លួនចូលក្នុងដើមទ្រូង តែមិនផ្ទុះឡើយ ។
នៅពេលជនរងគ្រោះដឹកមកដល់មន្ទីរពេទ្យបង្អែកខេត្តសៀមរាប ត្រូវបានក្រុមវេជ្ជបណ្ឌិត បានតស៊ូវះកាត់យ៉ាងយកចិត្តទុកដាក់ និងប្រថុយគ្រោះថ្នាក់ ដោយយកក្បាលគ្រាប់៦០មីលីម៉ែត្រចេញដងខ្លួនបានដោយជោគជ័យ និងសុវត្ថិភាព ។ បន្ទាប់ពីវះកាត់យកក្បាលគ្រាប់ចេញរួចរាល់ ក្រុមការងារស៊ីម៉ាក់បានពិនិត្យឃើញថា គ្រាប់នេះមិនទាន់ផ្ទុះពិតប្រាកដមែន នេះពិតជាមានរឿងហេតុអស្ចារ្យបែបសំណាងមួយក្នុងមួយលានគ្រោះថ្នាក់ ៕
ចែករំលែកព័តមាននេះ