លោកចន ហេនរី ម្ចាស់ក្លឹបហង្សក្រហម Liverpool បង្ហើបឱ្យដឹងពីគោលដៅរបស់ក្លឹបនៅរដូវកាលថ្មីនេះ ដោយទទួលស្គាល់ថា ហាក់ដូចជាមានភាពប្រញាប់ប្រញាល់ពេកក្នុងក្តីសង្ឃឹមទៅលើជើងឯកក្នុងលីកអង់គ្លេស ប៉ុន្តែក្លឹបត្រូវស្ថិតក្នុងលំដាប់ទាំង៤ ដំបូងនៃតារាងការប្រកួតក្របខណ្ឌប្រឺមីញេលីក ។ ក្លឹប Liverpool បានទិញកីឡាករជាច្រើនក្នុងរយៈពេល៦ខែកន្លងទៅ
លោកចន ហេនរី ម្ចាស់ក្លឹបហង្សក្រហម Liverpool បង្ហើបឱ្យដឹងពីគោលដៅរបស់ក្លឹបនៅរដូវកាលថ្មីនេះ ដោយទទួលស្គាល់ថា ហាក់ដូចជាមានភាពប្រញាប់ប្រញាល់ពេកក្នុងក្តីសង្ឃឹមទៅលើជើងឯកក្នុងលីកអង់គ្លេស ប៉ុន្តែក្លឹបត្រូវស្ថិតក្នុងលំដាប់ទាំង៤ ដំបូងនៃតារាងការប្រកួតក្របខណ្ឌប្រឺមីញេលីក ។
ក្លឹប Liverpool បានទិញកីឡាករជាច្រើនក្នុងរយៈពេល៦ខែកន្លងទៅ ចាប់តាំងពីការចូលគ្រប់គ្រងក្លឹបរបស់លោកចន ហេនរី កាលពីក្នុងខែមករា កន្លងមក បានទិញកីឡាករល្វី សួរ៉េស និងកីឡាករអេនឌី ខារ៉ូល ចំណែកក្នុងរដូវកាលថ្មីនេះ ក៏ទិញកីឡាករ សាជួត ដោននីង កីឡាករ ឆាលី អាដាម និងកីឡាករហ្ស័រដេន អាន់ដឺសុន។
ក្នុងអំឡុងពេលចុងក្រោយនេះ ម្ចាស់ក្លឹបជនជាតិអាមេរិក ក៏ត្រូវការលទ្ធផលឆ្លើយតបជំនួសការវិនិយោគខាងលើ ដោយគោលដៅត្រូវបញ្ចប់ត្រឹមលំដាប់ទាំង៤ដំបូង លើតារាងការប្រកួតក្របខណ្ឌបាល់ទាត់ប្រឺមីញេលីក ក្នុងរដូវកាល២០១១-២០១២ ដើម្បីបានទៅលេងនៅក្របខណ្ឌយូហ្វាឆេមពានលីកជាថ្មី បន្ទាប់ពីឃ្លាតឆ្ងាយពីពានរង្វាន់ធំនៅតំបន់អឺរ៉ុបតាំងពីឆ្នាំ២០០៩ ។
លោកចន ហេនរី បានបន្តថា «វាជារឿងដ៏ប្រញាប់ប្រញាល់មួយសម្រាប់យើងដែលនិយាយពីការដណ្តើមជើងឯកក្របខណ្ឌប្រឺមីញេលីក ។ ធាតុពិតគោលដៅរបស់យើង គឺឆ្លងចូលយូហ្វាឆេមពានលីក ប្រសិនបើយើងមិនអាចធ្វើបាន គឺជារឿងអស់សង្ឃឹមមួយ» ៕
ចែករំលែកព័តមាននេះ