ចំណេះដឹង៖ យោងតាមការចុះផ្សាយពីប្រភពបរទេស ការបើកម៉ាស៊ីនត្រជាក់ពេញមួយយប់តែនៅតែមានអារម្មណ៍ថាក្ដៅ បណ្ដាលមកពីកត្តាជញ្ជាំង និងពិដានផ្ទះស្រូបកម្ដៅទុកពេញមួយថ្ងៃ ហើយបញ្ចេញកម្ដៅនោះត្រឡប់មកក្នុងបន្ទប់វិញនៅពេលយប់ ធ្វើឱ្យម៉ាស៊ីនត្រជាក់មិនអាចទប់ទល់បាន។

ក្រៅពីកម្ដៅពីបរិយាកាសខាងក្រៅ កត្តាផ្សេងទៀតដូចជាការកំណត់សីតុណ្ហភាពទាបពេកធ្វើឱ្យម៉ាស៊ីនដំណើរការហួសកម្លាំង ម៉ាស៊ីនខ្វះការថែទាំ ឬមិនស្អាត ព្រមទាំងការមានឧបករណ៍អគ្គិសនីបញ្ចេញកម្ដៅក្នុងបន្ទប់ សុទ្ធតែជាមូលហេតុធ្វើឱ្យបន្ទប់មិនត្រជាក់។

ដើម្បីឱ្យកាន់តែមានប្រសិទ្ធភាព អ្នកគួរប្រើវាំងននការពារកម្ដៅថ្ងៃ ប្រើកង្ហារជំនួយចែកចាយខ្យល់ត្រជាក់ និងលាងសម្អាតម៉ាស៊ីនឱ្យបានទៀងទាត់៕