រដ្ឋបាលខេត្តតាកែវប្រកាសផ្លាស់ប្តូរប្រធានច្រកទ្វារកំពង់ក្រសាំង ព្រមទាំងផ្តាំផ្ញើឲ្យពង្រឹងកិច្ចសហប្រតិបត្តិការ និងទប់ស្កាត់ការឆ្លងដែនខុសច្បាប់
- តាកែវ
ខេត្តតាកែវ ៖ កាលពីរសៀលថ្ងៃទី២២ ឧសភា ឆ្នាំ២០២៦ លោក ស៊ុត ខុន អភិបាលខេត្តស្ដីទី តំណាងលោក…
ខេត្តតាកែវ ៖ កាលពីរសៀលថ្ងៃទី២២ ឧសភា ឆ្នាំ២០២៦ លោក ស៊ុត ខុន អភិបាលខេត្តស្ដីទី តំណាងលោក វ៉ី សំណាង អភិបាលនៃគណៈអភិបាលខេត្តតាកែវ បានអញ្ជើញជាគណ:អធិបតី ប្រកាស លោកឡាយ សូរិន ជាប្រធានទីស្នាក់ការត្រួតពិនិត្យច្រកទ្វារទ្វេភាគីកំពង់ក្រសាំង ជំនួស លោក ឱក សំអុល ដែលត្រូវបានដកចេញមកនៅសាលាខេត្តវិញ ។
ពិធីនេះ ក៏មានការអញ្ជើញចូលរួមលោកស៊ូ ភិរម្យ អភិបាលស្រុកបូរីជលសារ មន្ត្រីនៃរដ្ឋបាលខេត្តលោកស្នងការរងនគរបាលខេត្តតាកែវ កងកម្លាំងប្រដាប់អាវុធទាំងបី ប្រធានក្រុមប្រឹក្សាស្រុក មន្ត្រីរាជការចំណុះរដ្ឋបាលស្រុកបូរីជល់សារជាច្រើនរូបទៀតផងដែរ ។
លោក ស៊ុត ខុន បានធ្វើការផ្តាំផ្ញើដល់លោក ប្រធានច្រកទ្វាទ្វេភាគីកំពង់ក្រសាំងថ្មី ដែលទើបតែងតាំងថ្មីនាពេលនេះ ត្រូវតែខិតខំបំពេញការងារមានការទំនាក់ទំនងជាមួយភាគីខាងប្រទេសជិតខាងអោយបានល្អ រក្សាសាមគ្គីភាពរវាងប្រទេសទាំងពីរពិសេស ត្រូវទប់ស្កាត់អន្តោប្រវេសន៍ ដែលឆ្លងដែនចូលមកដោយខុសច្បាប់ឱ្យបានច្បាស់លាស់ និងស្មារតីទទួលខុសត្រូវខ្ពស់ព្រមទាំងប្រឹងប្រែងធ្វើការឲ្យអស់ពីកម្លាំងកាយចិត្ត ប្រាជ្ញាស្មារតី ដើម្បីបំពេញការងារទំនាក់ទំនងគ្នាអោយបានល្អជាមួយភាគីវៀតណាម ឲ្យកាន់តែសកម្មខ្លាំងក្លាថែមទៀត ។
ចែករំលែកព័តមាននេះ