ចំណេះដឹង៖ យោងតាមការចុះផ្សាយពីប្រភពបរទេសកំហឹងមិនមែនជាចំណុចខ្សោយទេ តែវាជាសារព្រមានដ៏សំខាន់។

មនុស្សដែលមានកម្រិតបញ្ញាអារម្មណ៍ខ្ពស់មិនព្យាយាមលាក់បាំង ឬគេចវេះពីកំហឹងនោះទេ ប៉ុន្តែពួកគេចេះប្រើប្រាស់វាជាឧបករណ៍ដើម្បីកែលម្អជីវិត។ មនុស្សទាំងនេះតែងតែហ៊ានទទួលស្គាល់អារម្មណ៍ពិតរបស់ខ្លួននៅពេលខឹងជំនួសឱ្យការស្ងៀមស្ងាត់ដែលនាំឱ្យមានការផ្ទុះឡើងនៅពេលក្រោយ។ ពួកគេមិនប្រើហិង្សា ឬពាក្យសម្តីជេរប្រមាថដើម្បីរំសាយអារម្មណ៍ឡើយ ប៉ុន្តែជ្រើសរើសការនិយាយរៀបរាប់ពីភាពមិនពេញចិត្តដោយភាពស្ងប់ស្ងាត់និងការគោរព។ លើសពីនេះ ពួកគេមិនចោទប្រកាន់អ្នកដទៃថាជាមូលហេតុនៃកំហឹងនោះទេ តែផ្តោតទៅលើការគ្រប់គ្រងខ្លួនឯង និងស្វែងរកដំណោះស្រាយ។

កំហឹងសម្រាប់ពួកគេគឺជាថាមពលមួយដែលត្រូវបានបង្វែរទៅជាសកម្មភាពវិជ្ជមាន ឬការកែលម្អខ្លួនឯង។ ជាចុងក្រោយ ពួកគេមិនមើលឃើញកំហឹងជាសត្រូវទេ តែចាត់ទុកវាជាសញ្ញាបង្ហាញពីតម្រូវការដែលមិនទាន់ត្រូវបានបំពេញ ដើម្បីឱ្យពួកគេអាចធ្វើការសម្រេចចិត្តបានត្រឹមត្រូវជាងមុនក្នុងជីវិត។

សរុបមក អ្នកដែលជោគជ័យមិនមែនជាអ្នកដែលមិនចេះខឹងនោះទេ ប៉ុន្តែជាអ្នកដែលចេះប្រើប្រាស់កំហឹងជាឧបករណ៍ដឹកនាំជីវិតឱ្យកាន់តែមានប្រសិទ្ធភាព៕