សង្គ្រាមអ៉ីរ៉ង់ ៖ បណ្ដាសមាជិកសភានៃគណបក្សសាធារណរដ្ឋ កាលពីថ្ងៃទី២១ ឧសភា មិនអាចប្រមូលបានសំឡេងគ្រាប់គ្រាន់ចាំបាច់ ដើម្បីបដិសេធគម្រោងច្បាប់ ដែលបង្ខំប្រធានាធិបតីលោកដូណាល់ត្រាំឲ្យដកខ្លួនចេញពីសង្គ្រាមជាមួយអ៉ីរ៉ង់។ បែបនេះ នាំឲ្យមានការពន្យារពេល…
សង្គ្រាមអ៉ីរ៉ង់ ៖ បណ្ដាសមាជិកសភានៃគណបក្សសាធារណរដ្ឋ កាលពីថ្ងៃទី២១ ឧសភា មិនអាចប្រមូលបានសំឡេងគ្រាប់គ្រាន់ចាំបាច់ ដើម្បីបដិសេធគម្រោងច្បាប់ ដែលបង្ខំប្រធានាធិបតីលោកដូណាល់ត្រាំឲ្យដកខ្លួនចេញពីសង្គ្រាមជាមួយអ៉ីរ៉ង់។ បែបនេះ នាំឲ្យមានការពន្យារពេល ការបោះឆ្នោតដែលសភាគ្រោងធ្វើលើបញ្ហានេះដល់ខែមិថុនា។
សភាអាមេរិកគ្រោងធ្វើការបោះឆ្នោតលើសេចក្ដីសម្រេចមួយទាក់ទិននឹងអំណាចសង្គ្រាមដែលដាក់ដោយបណ្ដាសមាជិកសភានៃគណបក្សប្រជាធិបតេយ្យ ដែលអាចរារាំងដល់យុទ្ធនាយោធារបស់លោកត្រាំ ។ ប៉ុន្តែរឿងនោះ ហាក់ដូចជាបង្ហាញច្បាស់ថា ពួកអ្នកសាធារណរដ្ឋ ពុំមានសំឡេងគ្រប់គ្រាន់ចាំបាច់ ដើម្បីបដិសេធគម្រោងច្បាប់នោះឡើយ។ បណ្ដាមេដឹកនាំគណបក្សសាធារណរដ្ឋបានបដិសេធការអនុម័តច្បាប់នេះ។
ទោះបីយ៉ាងណា នោះជាសញ្ញាមួយបង្ហាញពីការចុះថយការទ្រទ្រង់ក្នុងសភា សម្រាប់សង្គ្រាមមួយដែលលោកត្រាំធ្វើអស់ពេលជាង២ខែមកហើយប្រឆាំងអ៉ីរ៉ង់ ដោយគ្មានការយល់ព្រមរបស់
សភា។
ក្នុងព្រឹទ្ធសភាវិញបណ្ដាសមាជិកគណបក្សសាធារណរដ្ឋ ក៏ខិតខំឲ្យទទួលបានសំឡេងគ្រប់គ្រាន់ចាំបាច់ដើម្បីបដិសេធសេចក្ដីសម្រេចស្ដីពីអំណាចសង្ក្រាម ដែលការបោះឆ្នោតអនុម័តចុងក្រោយកាលពីដើមសប្ដាហ៍នេះ សមាជិកគណបក្សសាធារណរដ្ឋ៤រូបបានបោះគាំទ្រសេចក្ដីសម្រេចនោះ តែ៣រូបអវត្តមាន ។
សកម្មភាពរបស់សភាទាំង២អាមេរិកបង្ហាញថា បណ្ដាអ្នកសាធារណរដ្ឋហាក់ដូចជារារែកក្នុងការគាំទ្រខាងនយោបាយ ចំពោះការបន្តសង្គ្រាម។ អ្នកសាធារណរដ្ឋកាន់តែច្រើនលែងគាំទ្រប្រធានាធិបតីចំពោះការបន្តជម្លោះជាមួយអ៉ីរ៉ង់៕
ចែករំលែកព័តមាននេះ