សហរដ្ឋអាមេរិក ៖ ប្រធានាធិបតីអាមេរិក លោកដូណាល់ត្រាំ ប្រកាសនាថ្ងៃទី២១ ឧសភា តាមបណ្ដាញសង្គមTRUTH SOCIAL ពីការបញ្ជូនទាហានអាមេរិក៥០០០នាក់ ទៅកាន់ប៉ូឡូញ…
សហរដ្ឋអាមេរិក ៖ ប្រធានាធិបតីអាមេរិក លោកដូណាល់ត្រាំ ប្រកាសនាថ្ងៃទី២១ ឧសភា តាមបណ្ដាញសង្គមTRUTH SOCIAL ពីការបញ្ជូនទាហានអាមេរិក៥០០០នាក់ ទៅកាន់ប៉ូឡូញ ដោយលើកហេតុផលថា ការសម្រេចចិត្តនោះ ដោយសារទំនាក់ទំនងល្អរបស់លោក ជាមួយប្រធា នាធិបតីជាតិនិយមប៉ូឡូញលោកKAROL NAWROCKI ដែលជាប់ឆ្នោតកាលពីជិតមួយឆ្នាំមុន។
ប្រធានាធិបតីអាមេរិកលើកឡើងពីកងទាហានបន្ថែម តែគេមិនទាន់ដឹងភ្លាមៗថា តើនោះជាការចង់និយាយយោងរបស់លោក ពីការដាក់ពង្រាយកងទាហានអាមេរិក៤០០០នាក់ នៅប្រទេសនេះ ដែលគ្រោងរួចហើយឬយ៉ាងណា ខណៈកាលពីសប្ដាហ៍មុននិយាយមិនច្បាស់ដោយបណ្ដាអ្នកទទួលខុសត្រូវជាន់ខ្ពស់អាមេរិក ។
អនុប្រធានាធិបតីអាមេរិក លោកឌីជីវ៉ាន ធ្លាប់និយាយរួចហើយ កាលពីថ្ងៃទី១៩ ឧសភា ថា ការដាក់ពង្រាយនោះមានការយឺតយ៉ាវ មិនមែនជាការលុបចោលឡើយ ។ លោកបានអំពាវនាវដល់បណ្ដាប្រទេសអឹរ៉ុបឲ្យខំធ្វើស្វ័យការពារ ដោយឈរខ្លួនឯងលើជើងទាំង២របស់ខ្លួន។ នោះជាយុទ្ធសាស្ត្ររបស់យើងនៅអឺរ៉ុប ។
ចលនារបស់កងទ័ពអាមេរិកនោះកើតមាន បន្ទាប់ពីប្រធានាធិបតីអាមេរិក គំរាមដល់បណ្ដាសម្ព័ន្ធមិត្តអឺរ៉ុបថា នឹងត្រូវបង់តម្លៃដោយសារមិនជួយទ្រទ្រង់ដល់ការធ្វើសង្គ្រាមរបស់អាមេរិកប្រឆាំង
អ៉ីរ៉ង់។ លោកត្រាំក៏ប្រកាសរួចហើយដែរពីការដកកងទាហានអាមេរិក៥០០០នាក់ ចេញពីអាល្លឺម៉ង់ និងគំរាមកាត់បន្ថយទាហានអាមេរិកនៅអេស្ប៉ាញ និងអ៉ីតាលីផងដែរ៕
ចែករំលែកព័តមាននេះ