រាជធានីភ្នំពេញ ៖ ជនសង្ស័យចំនួន ១៩នាក់ ដែលបានប្រព្រឹត្តបទល្មើសចំនួន ៧ករណីផ្សេងគ្នា ត្រូវបានកម្លាំងនគរបាលព្រហ្មទណ្ឌកំរិតស្រាល នៃស្នងការនគរបាលរាជធានីភ្នំពេញ និងនគរបាលព្រហ្មទណ្ឌ នៅតាមបណ្ដាខណ្ឌនានា…
រាជធានីភ្នំពេញ ៖ ជនសង្ស័យចំនួន ១៩នាក់ ដែលបានប្រព្រឹត្តបទល្មើសចំនួន ៧ករណីផ្សេងគ្នា ត្រូវបានកម្លាំងនគរបាលព្រហ្មទណ្ឌកំរិតស្រាល នៃស្នងការនគរបាលរាជធានីភ្នំពេញ និងនគរបាលព្រហ្មទណ្ឌ នៅតាមបណ្ដាខណ្ឌនានា យកមក បង្ហាញមុខរួមគ្នា នៅរសៀលថ្ងៃទី២១ ខែឧសភា ឆ្នាំ២០២៦នេះ បន្ទាប់ពីបង្ក្រាបបានជាបន្តបន្ទាប់នៅក្នុងរយៈពេល៤ថ្ងៃ ។
តាមរបាយការណ៍ ស្ដីពីលទ្ធផលបង្ក្រាបបទល្មើសរបស់ស្នងការដ្ឋាននគរបាលរាជធានីភ្នំពេញ ទទួលផែនការងារនគរបាលព្រហ្មទណ្ឌដឹងថា ដោយអនុវត្តន៍តាមបទបញ្ជាពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារនគរបាលព្រហ្មទណ្ឌ និងបញ្ហាដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកំរិតស្រាល កម្លាំងនគរបាលព្រហ្មទណ្ឌកំរិតស្រាល ដែលដឹកនាំដោយលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល បានសហការជាមួយនគរបាលព្រហ្មទណ្ឌ តាមបណ្តាលខណ្ឌនានា បានធ្វើការស្រាវជ្រាវបង្ក្រាបបទល្មើសបានជាបន្តបន្ទាប់ ចាប់ពីថ្ងៃទី១៨ ខែឧសភា ដល់ថ្ងៃទី២១ ខែឧសភា ឆ្នាំ២០២៦បង្ក្រាបបានចំនួន០៧ករណី ដោយឃាត់ខ្លួនមនុស្ស ១៩នាក់ ក្នុងនោះមានជនជាតិចិន ០១នាក់, មានសារធាតុញៀន ១០នាក់ ។
តាមរបាយការណ៍បានឲ្យដឹងទៀតថា ជនសង្ស័យទាំង ១៩នាក់នោះ បានប្រព្រឹត្តបទល្មើសចំនួន ៧ករណី ក្នុងនោះមាន ៖បទល្មើសឧក្រិដ្ឋ ០៣ករណី ឃាត់ខ្លួន ចំនួន០៨នាក់ (ជនជាតិចិន ០១នាក់) មានសាធាតុញៀន ០៤នាក់, លួចមានស្ថានទម្ងន់ទោស ០២ករណី ឃាត់ខ្លួន ០៤នាក់ (ជនជាតិចិន ០១នាក់), លួចមានស្ថានទម្ងន់ទោស (គាស់ទម្លុះទម្លាយទ្វារផ្ទះលួចយករថយន្តម៉ាក HYUNDIA ពណ៌ស សេរីឆ្នាំ២០១៩ ពាក់ស្លាកលេខភ្នំពេញ ២AZ-៨៤៣៨) ០១ករណី ឃាត់ខ្លួន ០៤នាក់ ។
បទល្មើសមជ្ឈិម ០៤ករណី ឃាត់ខ្លួន ១១នាក់ រួមមាន ៖ ករណីលួច ចំនួន០៣ករណី ឃាត់ខ្លួន ០៦នាក់, ហិង្សាដោយចេតនាមានស្ថានទម្ងន់ទោស និងធ្វើអោយខូចខាតដោយចេតនាមានស្ថានទម្ងន់ទោស ០១ករណី ឃាត់ខ្លួន ០៥នាក់ (ក្រុមធីមកាប់គោ KKO) ។
ក្នុងនោះនគរបាលខណ្ឌសែនសុខ បង្ក្រាបបាន០២ករណី ឃាត់ខ្លួន ០៣នាក់, លួចមានស្ថានទម្ងន់ទោស (ចាប់ជនរងគ្រោះដាក់ឡានប្លន់យកគ្រឿងអលង្កា) ០១ករណី ឃាត់ខ្លួន ០១នាក់ (ជនជាតិចិន) និងលួចមានស្ថានទម្ងន់ទោសវាយប្លន់យកទូរសព្ទ
០១ករណី ឃាត់ខ្លួន ០២នាក់ ។
នគរបាលខណ្ឌច្បារអំពៅបង្ក្រាបបាន ០១ករណី ឃាត់ខ្លួន ០១នាក់។ នគរបាល ខណ្ឌទួលគោកបង្ក្រាបបាន ០១ករណី ឃាត់ខ្លួនចំនួន ០៣នាក់។ ខណ្ឌដង្កោបង្ក្រាបបាន០១ករណី ឃាត់ខ្លួន ០៣នាក់លួចមានស្ថានទម្ងន់ទោស ធាក់ប្លន់យកម៉ូតូ។ នគរបាលការិយាល័យនគរបាលព្រហ្មទណ្ឌកំរិតស្រាលបង្ក្រាបបាន ០២ករណី ឃាត់ខ្លួន ០៩នាក់, ហិង្សាដោយចេតនាមានស្ថានទម្ងន់ទោស និងធ្វើអោយខូចខាតដោយចេតនាមានស្ថានទម្ងន់ទោស ០១ករណី ឃាត់ខ្លួន ០៥នាក់ ជាក្រុមក្មេងទំនើង ជឹមកាប់គោ KKO, លួចមានស្ថានទម្ងន់ទោស (គាស់ទម្លុះទម្លាយទ្វារផ្ទះលួចយករថយន្តម៉ាក HYUNDIA ពណ៌ស សេរីឆ្នាំ២០១៩ ពាក់ស្លាកលេខភ្នំពេញ ២AZ-៨៤៣៨) ០១ករណី ឃាត់ខ្លួន ០៤នាក់ ។
បន្ទាប់ពីបង្ហាញមុខ ជនសង្ស័យត្រូវបាននគរបាលជំនាញព្រហ្មទណ្ឌនៅតាមបណ្ដាខណ្ឌ និងការិយាល័យបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ ៕
ចែករំលែកព័តមាននេះ