ដេវីដ បេកខាំ ខ្សែបម្រើក្នុងមជ្ឈដ្ឋានបាល់ទាត់អង់គ្លេស បានទទួលការបោះឆ្នោតដណ្តើមតំណែងជាបុរសមានរូបរាងល្អ ឬសិចស៊ីបំផុត តាមរបាយការណ៍របស់សារព័ត៌មាន «ស្កាយញូវ» ចំណែកខាងបេក្ខនារីកំពុងក្លាយជារឿងនឹកស្មានមិនដល់មួយ ក្នុងពេលលទ្ធផលបានទៅលើលោកស្រី ហេឡែន មៀរ៉េន តារាសម្តែងវ័យចំណាស់ជនជាតិអង់គ្លេសអាយុ៦៦ឆ្នាំ ។
ដេវីដ បេកខាំ ខ្សែបម្រើក្នុងមជ្ឈដ្ឋានបាល់ទាត់អង់គ្លេស បានទទួលការបោះឆ្នោតដណ្តើមតំណែងជាបុរសមានរូបរាងល្អ ឬសិចស៊ីបំផុត តាមរបាយការណ៍របស់សារព័ត៌មាន «ស្កាយញូវ» ចំណែកខាងបេក្ខនារីកំពុងក្លាយជារឿងនឹកស្មានមិនដល់មួយ ក្នុងពេលលទ្ធផលបានទៅលើលោកស្រី ហេឡែន មៀរ៉េន តារាសម្តែងវ័យចំណាស់ជនជាតិអង់គ្លេសអាយុ៦៦ឆ្នាំ ។
កីឡាករដេវីដ បេកខាំ បានទទួលសំឡេងឆ្នោតចំនួន២១% ឈ្នះលោកដេនៀល ក្រេក បុរសឆ្នើមដែលដើរតួជាតារាជេម ស្ប៊ន ស្ថិតនៅលំដាប់ទី២ និងលំដាប់ទី៣ បានទៅលើលោកចននី ដេប សម្តែងនៅក្នុងខ្សែភាពយន្តរឿង «ផាយរ៉េត អូហ្វ ដឹ ការីបៀន» ។ ហេតុផលដែលកីឡាករបេកខាំ អាយុ៣៦ឆ្នាំ ទទួលបានរង្វាន់ខាងលើ អាចបណ្តាលមកពីការដោះអាវបង្ហាញសាច់ដុំ និងរូបរាងដ៏សិចស៊ីជាញឹកញាប់ក្នុងពេលស្ថិតនៅលើទីលានប្រកួត ។
ចំណែកបេក្ខនារីគ្រប់រូប មានការរំពឹងទុកថា នឹងមានឈ្មោះរបស់នាងរីហានណា ឬ នាងមេហ្គេន ហ្វុក តារាដ៏សិចស៊ីទាំង២រូបជាមិនខាន ប៉ុន្តែអ្វីដែលធ្វើឱ្យមានភាពចម្លែកបំផុតនោះគឺនៅពេលលោកស្រីហេឡែន មៀរ៉េន តារាសម្តែងវ័យចំណាស់ដែលមានប្រវត្តិដណ្តើមរង្វាន់អូស្ការ បានទទួលសំឡេងឆ្នោតច្រើនបំផុតដល់ទៅ១៧,៦៥% ។
លោកស្រី ហេឡែន ជាតារាសម្តែងមានសមត្ថភាពច្រើន ធ្លាប់ទទួលពានរង្វាន់អូស្ការ ពីការសម្តែងរឿង «ម្ចាស់ក្សត្រីអេលីហ្សាប៊ែតទី២» យកឈ្នះនាងជេននីហ្វើរ ឡូប៉េស តារាចម្រៀងត្រគាកធំដែលបានទទួលសំឡេងឆ្នោត៦,៦% ស្ថិតក្នុងលំដាប់ទី២ និងលំដាប់ទី ៣ បានទៅលើនាងខេតវីនឡេត ជាតារាសម្តែងទទួលបានសំឡេងឆ្នោត៣,៩%៕
ចែករំលែកព័តមាននេះ