ស្តេចប្រដាល់ ដាវ លីឌុច បើកកន្លែងហាត់ក្បាច់គុណអន្តរជាតិនៅកោះរ៉ុង
ស្តេចប្រដាល់ ដាវ លីឌុច (Dave Leduc) ដែលធ្លាប់ធ្វើព្យុះធ្វើភ្លៀងនៅលើសៃវៀនប្រដាល់នៅមីយ៉ាន់ម៉ា ថៃ និងកម្ពុជា បានបើកមជ្ឈមណ្ឌលប្រដាល់គុនខ្មែរមួយនៅកោះរ៉ុង ។…
ស្តេចប្រដាល់ ដាវ លីឌុច (Dave Leduc) ដែលធ្លាប់ធ្វើព្យុះធ្វើភ្លៀងនៅលើសៃវៀនប្រដាល់នៅមីយ៉ាន់ម៉ា ថៃ និងកម្ពុជា បានបើកមជ្ឈមណ្ឌលប្រដាល់គុនខ្មែរមួយនៅកោះរ៉ុង ។
លោកបានអះអាងនៅលើបណ្តាញសង្គមថា មជ្ឈមណ្ឌលដែលកំពុងតែសាងសង់ និងរៀបចំនេះ បានស្វាគមន៍លោក ខូវ ឆាយ ប្រធានសហព័ន្ធគុនខ្មែរកាលពីថ្ងៃទី ១៩ ខែឧសភា ឆ្នាំ២០២៦ ។
លោកបានអះអាងថា មជ្ឈមណ្ឌលនោះនឹងបង្កើតប្រវត្តិសាស្ត្រជាមជ្ឈមណ្ឌលហ្វឹកហ្វឺនក្បាច់គុនចម្រុះអន្តរជាតិ ជាពិសេសគុនខ្មែរ ដំបូងគេនៅក្នុងព្រះរាជាណាចក្រកម្ពុជា ។
ដាវ លីឌុច ជា កីឡាករជនជាតិកាណាដា ហើយក៏មានសញ្ជាតិមីយ៉ាន់ម៉ា កើតនៅថ្ងៃទី១៣ ខែធ្នូ ឆ្នាំ១៩៩១ មានកម្ពស់ ១.៨៨ម៉ែត្រ ។ ដាវ លីឌុច ចាប់ផ្ដើមហាត់ក្បាច់គុន តាំងពីវ័យ១៦ឆ្នាំ ហើយបានឆ្លងកាត់ការបណ្ដុះបណ្ដាលជំនាញកីឡាប្រយុទ្ធជាច្រើន មុនហាត់ក្បាច់គុន នៅមីយ៉ាន់ម៉ា ។ នៅឆ្នាំ២០១៦ ដាវ លីឌុច បានទៅមីយ៉ាន់ម៉ា ហើយបានហាត់កីឡាប្រដាល់ និងចូលសញ្ជាតិមីយ៉ាន់ម៉ា ។ ដាវ លីឌុច ក៏ធ្លាប់ហ្វឹកហាត់ និងប្រកួតគុនចម្រុះ (MMA) និងប្រដាល់នៅថៃផងដែរ។
នៅកម្ពុជាលោកក៏ធ្លាប់បង្កព្យុះភ្លៀងនៅលើសៃវៀនជាបន្តបន្ទាប់ផងដែរកាលពីកន្លងទៅ ៕
ចែករំលែកព័តមាននេះ