ប្រទេសនីហ្សេរីយ៉ា ៖ បន្ទាប់ពីច្រើនថ្ងៃនៃការវាយប្រហារតាមអាកាសរួមគ្នា រវាងនីហ្សេរីយ៉ា និងសហរដ្ឋអាមេរិកនៅភាគឦសានប្រទេស ចំនួនយុទ្ធជនក្រុមរដ្ឋអ៊ិស្លាមដែលស្លាប់ឡើងដល់១៧៥នាក់ ។ នេះបើតាមសេចក្ដីរាយ ការណ៍របស់កងទ័ពនៃប្រទេសទាំង២ ។
ក្នុងសេចក្ដីប្រកាសមួយអ្នកនាំពាក្យម្នាក់របស់កងទ័ពនីហ្សេរីយ៉ាលោកសាម៉ាអ៉ីឡាអ៊ូបាអះអាងថា មនុស្សរបស់ក្រុមរដ្ឋអ៊ិស្លាម១៧៥នាក់ បានត្រូវសម្លាប់នៅទីលានប្រយុទ្ធ ។ ការវាយប្រហាររួមគ្នាអាចកម្ទេចបណ្ដាប៉ុស្តិ៍ទីបញ្ជាការរបស់ក្រុមរដ្ឋអ៊ិស្លាម បណ្ដាកន្លែងលាក់អាវុធ បណ្ដាទីតាំងភស្ដុភារ គ្រឿងឧបករណ៍យោធា និងបណ្ដាញហិរញ្ញវត្ថុប្រើសម្រាប់ជួយទ្រទ្រង់ដល់បណ្ដាប្រតិបត្តិការភេរវកម្ម ។
យោងតាមអ.ស.បថា ចាប់តាំងពីឆ្នាំ២០០៩ នៃការបះបោរជីហាដនិយម របស់ក្រុមបូកូហារ៉ាមនិងបន្ទាប់មក ដោយគូប្រជែងក្រុមរដ្ឋអ៊ិស្លាមនៅអាហ្វ្រិកខាងលិច ចំនួនមនុស្សស្លាប់ឡើងដល់ជាង៤០.០០០នាក់ ហើយមនុស្សជាង២លាននាក់រត់ភៀសខ្លួននៅភាគឦសាននៃប្រទេសនីហ្សេរីយ៉ា ជាប្រទេសមានប្រជាជនច្រើនជាងគេបំផុតនៅអាហ្វ្រិក៕
ចែករំលែកព័តមាននេះ