រាជធានីភ្នំពេញ៖កម្មវិធីរត់ប្រណាំងកម្សាន្ត១០០០០ជំហានសម្រាប់សិស្ស១០០០០នាក់ដែលគ្រោងនឹងធ្វើឡើងនៅថ្ងៃទី២៤ខែឧសភា ត្រូវបានប្ដូរកាលបរច្ឆេទនៅថ្ងៃទី៣១ខែឧសភាឆ្នាំ២០២៦វិញ។នេះបើតាមការចេញសេចក្ដីជូនដំណឹងមួយរបស់គណៈកម្មការរៀបចំកាលពីថ្ងៃទី១៨ខែឧសភា។
កម្មវិធីរត់ប្រណាំងកម្សាន្ត១០០០០ជំហានសម្រាប់សិស្ស១០០០០នាក់ក្រោមប្រធានបទ«រត់ ដើរ ដើម្បីលើកកម្ពស់ការអាននិងសារមន្ទីរសេដ្ឋកិច្ចនិងរូបិយវត្ថុព្រះស្រីឦសានវរ្ម័ន» ដែលមានការគាំទ្រដោយក្រសួងអប់រំយុវជននិងកីឡានិងគណៈកម្មាធិការជាតិអូឡាំពិកកម្ពុជាសហការដោយស្ថាប័នពាក់ព័នមួយចំនួនរួមទាំងសារមន្ទីរព្រះស្រីឥសានវរ្ម័ន ដើម្បីជំរុញការអាន ដែលគេរំពឹងថានឹងមានអ្នកចុះឈ្មោះចូលរួមរត់ប្រមាណជាង៣ពាន់នាក់នោះ ត្រូវបានប្រកាសប្ដូរកាលបរិច្ឆេត។ក្នុងសេចក្ដីជូនដំណឹងមួយនេះក៏បានបញ្ជាក់ច្បាស់ទៀតថាចំពោះកម្មវិធី ទីកន្លែងនៃការរៀបចំកម្មវិធីរត់ប្រណាំងពុំមានការប្រែប្រួលទេ។
គួរម្លឹកឡើងវិញផងដែរថាឯកឧត្តមវ៉ាត់ ចំរើនរដ្ឋលេខាធិការក្រសួងអប់រំយុវជននិងកីឡានិងជាអគ្គលេខាធិការគណៈកម្មាធិការជាតិអូឡាំពិកកម្ពុជាធ្លាប់បានមានប្រសាសន៍នៅក្នុងសន្និសីតសារព័ត៏មានមួយដែលបានធ្វើឡើងនៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីថ្ងៃទី២០ខែមេសាឆ្នាំ២០២៥ថាកម្មវិធីរត់ប្រណាំង១០០០០ជំហានសម្រាប់សិស្ស១០០០០នាក់ ក្រោមប្រធានបទ<<រត់ ដើរ ដើម្បីលើកកម្ពស់ការអាននិងសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន>>ជារបត់ថ្មីមួយដើម្បីគាំទ្រដល់យុទ្ធនាការផ្សព្វផ្សាយដំបូងបង្អស់នៅកម្ពុជា ព្រមទាំងទទួលបានការគាំទ្រយ៉ាងពេញទំហឹងដោយក្រសួងអប់រំយុវជននិងកីឡា។
ឯកឧត្តមរដ្ឋលេខាធិការរូបនេះក៏បានលើកឡើងទៀតថាកម្មវិធីរត់ប្រណាំងមួយនេះទទួលបានការយកចិត្តទុកដាក់យ៉ាងខ្លាំងពីសំណាក់ឯកឧត្តមបណ្ឌិតសភាចារ្យហង់ជួន ណារ៉ុនឧបនាយរដ្ឋមន្ត្រី រដ្ឋមន្ត្រីក្រសួងអប់រំយុវជននិងកីឡា ហើយឯកឧត្តមបណ្ឌិតសភាចារ្យ ឧបនាយករដ្ឋមន្ត្រីបានផ្ដល់អនុសាសន៍ផ្ដាំផ្ញើថាការអានគឺជាមូលដ្ឋានគ្រឹះដ៍សំខាន់ នៃការអប់រំប្រកបដោយគុណភាព ដើម្បីកសាងធនធានមនុស្សក្នុងការអភិវឌ្ឍប្រទេសជាតិ។ជាមួយគ្នានេះដែរឯកឧត្តមបណ្ឌិតសភាចារ្យក៏បានលើកឡើងទៀតថាយុទ្ធនាការនេះ ឆ្លុះបញ្ចាំងពីចក្ខុវិស័យរួមគ្នា មួយដ៏សំខាន់និងមានឥទ្ធិពលវិជ្ជមាន ក្នុងគោលដៅអភិវឌ្ឍធនធានមនុស្ស សេដ្ឋកិច្ចនិងសងញកមជាតិទាំងមូល៕
ចែករំលែកព័តមាននេះ