រាជធានីភ្នំពេញ ៖ គណៈគម្មាធិការនៃព្រឹទ្ធសភាថៃបានកំពុងរុញឲ្យរដ្ឋាភិបាលថៃលុបចោល អនុស្សារណៈនៃការយោគយល់គ្នា (MOU) ២០០០ ជាមួយកម្ពុជា ។ ប៉ុន្តែកម្ពុជាប្រកាសមិនទទួលស្គាល់នូវការកែប្រែខ្សែព្រំដែនណាមួយ ដែលកើតចេញពីការប្រើប្រាស់កម្លាំងនោះឡើយ…
រាជធានីភ្នំពេញ ៖ គណៈគម្មាធិការនៃព្រឹទ្ធសភាថៃបានកំពុងរុញឲ្យរដ្ឋាភិបាលថៃលុបចោល អនុស្សារណៈនៃការយោគយល់គ្នា (MOU) ២០០០ ជាមួយកម្ពុជា ។ ប៉ុន្តែកម្ពុជាប្រកាសមិនទទួលស្គាល់នូវការកែប្រែខ្សែព្រំដែនណាមួយ ដែលកើតចេញពីការប្រើប្រាស់កម្លាំងនោះឡើយ ។
យោងតាមការចេញផ្សាយរបស់សារព័ត៌មានក្នុងស្រុកមួយបានលើកឡើងថា គណៈកម្មាធិការព្រឹទ្ធសភាថៃជំរុញឲ្យរដ្ឋថៃលុបMOU២០០០នេះ ដោយអះអាងថា កិច្ចព្រមព្រៀងកំណត់ព្រំដែនគោកមានបញ្ហាផ្លូវច្បាប់ពាក់ព័ន្ធនឹងផែនបារាំង និងបរាជ័យក្នុងការដោះស្រាយជម្លោះព្រំដែនអស់រយៈពេល២៦ឆ្នាំ ។ ប្រភពបានលើកឡើងថា គណៈកម្មាធិការពិសេសរបស់ព្រឹទ្ធសភាថៃ កាលពីថ្ងៃទី១៨ ខែឧសភា ឆ្នាំ២០២៦ បានអនុម័តជាឯកច្ឆ័នលើសំណើឲ្យរដ្ឋាភិបាលថៃដកខ្លួនចេញពីឆ្នាំ២០០០ ឬថៃហៅថាMOU ៤៣ ។
គណៈកម្មាធិការព្រឹទ្ធសភាថៃបានអះអាងថាMOU ២០០០ មិនដែលឆ្លងកាត់ពេញលេញពីគណៈរដ្ឋមន្ត្រីនិងសភាថៃនោះទេ ។ ហើយអាចផ្ទុយនឹងរដ្ឋធម្មនុញ្ញថៃទៀតផង ។ ចំណុចដែលថា បានបារម្ភគឺកាប្រើផែនទីខ្នាត១ លើ២រយពាន់ សម័យបារាំង ។ គណៈកម្មាធិការព្រឹទ្ធសភាថៃបានអះអាងថា ផែនទីនេះ មិនមែនជាផែនទីកើតឡើងដោយគណៈកម្មការកំណត់ព្រំដែនសៀម ឥណ្ឌូចិន ផ្លូវការនោះទេ ហើយខ្សែព្រំដែននៅ តំបន់ជួរភ្នំដងរែងមិនស្របទៅនឹងស្ថានភាពភូមិសាស្ត្រពិត ។
គណៈកម្មាធិការពិសេសនេះ ថែមទាំងនិយាយទៀតថា ស្ថានការណ៍បានផ្លាស់ប្តូរខ្លាំងក្រោយការប្រយុទ្ធគ្នានៅព្រំដែនក្នុងឆ្នាំ២០២៥ ដែលធ្វើឲ្យយន្តការចាស់ ក្រោមMOU ២០០០ មិនសមស្របតទៅទៀត ។ ព្រឹទ្ធសភាថៃបានលើកឡើងថា ថៃអាចលុបMOU ២០០០ ដោយឯកតោភាគីបានដោយគ្រាន់តែជូនដំណឹងដល់ភាគីកម្ពុជាមុនរយៈពេល៣ខែ ។ MUO ២០០០ បានដើរតួនាទីសំខាន់ក្នុងការសិក្សា និងបោះបង្គោលព្រំដែនគោកកម្ពុជា-ថៃ ដោយផ្នែកសន្ធិសញ្ញាបារាំង -សៀម ឆ្នាំ១៩០៤ និង១៩០៧ ។
ចំពោះកម្ពុជាMOU ២០០០ ជាក្របខណ្ឌចម្បងក្នុងការរក្សាការចរាចឲ្យនៅលើកតុ ។ ប៉ុន្តែចំពោះអ្នកនយោបាយ និងក្រុមជាតិនិយមជ្រុលមួយចំនួនបានចាត់ទុក MUO ២០០០ ជាចំណុចចម្រូងចម្រាស់ ពីព្រោះពួកគេយល់ថា វាបានបើកផ្លូវឲ្យបារាំងខ្នាត១លើ២រយពាន់មានទម្រង់ខ្លាំងពេកក្នុងការកំណត់ព្រំដែន ។
សូមជម្រាបថា កាលពីថ្ងៃទី២៦ ខែមិនាឆ្នាំ២០២៦ រដ្ឋលេខាធិការដ្ឋានកិច្ច ការព្រំដែន របស់កម្ពុជាបានប្រតិកម្មម្តងហើយ ដោយបញ្ជាក់ថា ថៃមិនអាចយកច្បាប់ក្នុងស្រុក ឬក៏នីតិវិធីផ្ទៃក្នុងមកធ្វើជាមូលហេតុក្នុងការលុបMOU ២០០០ បាននោះទេ ប៉ុន្តែកន្លងទៅថៃហាក់ដូច ជាមិនពើនឹងការជំទាស់របស់កម្ពុជា ។ ជាក់ស្តែងកន្លងទៅ ថៃបានលុបMOU ២០០១ ស្តីពីការគ្រប់គ្រងតំបន់ត្រួនស៊ីគ្នានៅឈូនសមុទ្រថៃរួមទៅហើយកាលពីថ្ងៃទី៥ ខែឧសភា ឆ្នាំ២០២៦ ។
ពាក់ព័ន្ធនឹងបញ្ហាព្រំដែនកម្ពុជា-ថៃ នៅថ្ងៃទី១៩ ឧសភា ឆ្នាំ២០២៦ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលបានបញ្ជាក់ជូនជាថ្មីថា កម្ពុជាប្រកាន់ជំហរយ៉ាងម៉ឺងម៉ាត់ក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយគោរពគោលការណ៍ច្បាប់អន្តរជាតិ គោលការណ៍ខ្សែព្រំដែនមិនកែប្រែ (Uti Possidetis Juris) គោរពអនុសញ្ញា សន្ធិសញ្ញាបារាំង-សៀម ផែនទី និងកំណត់ហេតុបោះ បង្គោលព្រំដែនរបស់គណៈកម្មការបោះបង្គោលព្រំដែនឥណ្ឌូចិន-សៀម ព្រមទាំងកិច្ចព្រមព្រៀង និងឯកសារពាក់ព័ន្ធនានាដែលភាគីទាំងពីរបានឯកភាពគ្នានាពេលកន្លងមក ។
អ្នកនាំពាក្យបានអះអាងថាកម្ពុជាមិនទទួលស្គាល់នូវការកែប្រែខ្សែព្រំដែនណាមួយដែលកើតចេញពីការប្រើប្រាស់កម្លាំងនោះឡើយ៕
ចែករំលែកព័តមាននេះ