រាជធានីភ្នំពេញ ៖ ភូមិគ្រឹះដ៍ស្កឹមស្កៃមួយកន្លែង ស្ថិតនៅភូមិចំបក់មាស សង្កាត់បាក់ខែង ខណ្ឌជ្រោយចង្វារ កំពុងតែសាងសង់រំលោភលើដីច្រាំងទន្លេ និងក្នុងផ្ទៃទន្លេត្រូវបានរដ្ឋបាលរាជធានីភ្នំពេញបានចេញលិខិតជម្រាបទៅអភិបាលខណ្ឌជ្រោយចង្វារ ដើម្បីមានវិធានការដោយអោយកំណត់ឱសានវាទឱ្យម្ចាស់សំណង់ធ្វើការរុះរើសំណង់ដែលបានសាងសង់រំលោភលើដីច្រាំងទន្លេ និង…
រាជធានីភ្នំពេញ ៖ ភូមិគ្រឹះដ៍ស្កឹមស្កៃមួយកន្លែង ស្ថិតនៅភូមិចំបក់មាស សង្កាត់បាក់ខែង ខណ្ឌជ្រោយចង្វារ កំពុងតែសាងសង់រំលោភលើដីច្រាំងទន្លេ និងក្នុងផ្ទៃទន្លេត្រូវបានរដ្ឋបាលរាជធានីភ្នំពេញបានចេញលិខិតជម្រាបទៅអភិបាលខណ្ឌជ្រោយចង្វារ ដើម្បីមានវិធានការដោយអោយកំណត់ឱសានវាទឱ្យម្ចាស់សំណង់ធ្វើការរុះរើសំណង់ដែលបានសាងសង់រំលោភលើដីច្រាំងទន្លេ និង សំណង់ក្នុងផ្ទៃទន្លេ ឱ្យបានច្បាស់លាស់ ព្រមទាំងតាមដានការអនុវត្តរបស់ម្ចាស់សំណង់ ចំពោះការអនុវត្តសេចក្តីណែនាំរបស់រដ្ឋបាលខណ្ឌ និងរាយការណ៍ ពីលទ្ធផលមករដ្ឋបាលរាជធានីភ្នំពេញវិញ បញ្ជាឱ្យរុះរើដូចឱ្យវាយចោលដែរ ។
តាមលិខិតរបស់រដ្ឋបាលរាជធានីភ្នំពេញ លេខ០៦៧/២៦ ឆត.រ ចុះថ្ងៃទី២៩ ខែមករា ឆ្នាំ២០២៦ដែលបានជម្រាបមកលោកអភិបាល នៃគណៈអភិបាលខណ្ឌជ្រោយចង្វារបានអោយដឹងថា ចំពោះសំណង់ ភូមិគ្រឹះរបស់ លោក ឈុន លឹម ដែលបានសាងសង់ដោយគ្មានលិខិតអនុញ្ញាតសាងសង់ មានទីតាំងស្ថិតនៅភូមិ ចំបក់មាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ នោះ សូមលោកអភិបាលអនុវត្តដូចខាងក្រោម៖១- ត្រូវកំណត់ឱសានវាទឱ្យម្ចាស់សំណង់ធ្វើការរុះរើសំណង់ដែលបានសាងសង់រំលោភលើដីច្រាំងទន្លេ និង សំណង់ក្នុងផ្ទៃទន្លេ ឱ្យបានច្បាស់លាស់ ។ ២- តាមដានការអនុវត្តរបស់ម្ចាស់សំណង់ ចំពោះការអនុវត្តសេចក្តីណែនាំរបស់រដ្ឋបាលខណ្ឌ និងរាយការណ៍ ពីលទ្ធផលមករដ្ឋបាលរាជធានីភ្នំពេញវិញ ។
លោកឃ្លាំងហួត អភិបាលរងនៃរដ្ឋបាលរាជធានីភ្នំពេញបង្ហោះសារនៅក្នុងបណ្ដាញសង្គមឲ្យដឹងថា ជម្រាបជូនលោក ឈុន លីម ម្ចាស់សំណង់ភូមិគ្រឹះ ដែលមានទីតាំងស្ថិតនៅភូមិចំបក់មាស សង្កាត់បាក់ខែង ខណ្ឌជ្រោយចង្វារ។
រដ្ឋបាលរាជធានីភ្នំពេញ បានចេញលិខិតលេខ០៦៧/២៦ ឆត.រ ចុះថ្ងៃទី២៩ ខែមករា ឆ្នាំ២០២៦ ដោយឱ្យរដ្ឋបាលខណ្ឌជ្រោយចង្វារកំណត់ឱសានវាទឱ្យលោកធ្វើការរុះរើសំណង់ដែលលោកបានសាងសង់រំលោភលើដីច្រាំងទន្លេ និងក្នុងផ្ទៃទន្លេ ចេញវិញ។
លោកឃ្លាំង ហួត ក៏បានឲ្យដឹងទៀតថា ខ្ញុំមិនដឹងថាលោកបានទទួលការណែនាំពីរដ្ឋបាលខណ្ឌជ្រោយចង្វារហើយឬនៅនោះទេ? ក៏ប៉ុន្តែបច្ចុប្បន្នក្រុមការងារសំណង់រាជធានីភ្នំពេញពិនិត្យឃើញថា លោកមិនត្រឹមតែមិនព្រមរុះរើសំណង់ទេ តែថែមទាំងបានបន្តសកម្មភាពសាងសង់សំណង់នេះបន្ថែមទៀតផង។
សង្ឃឹមថា លោកនឹងគោរព និងអនុវត្តតាមខ្លឹមសារលិខិតខាងលើ ហើយរុះរើសំណង់របស់លោកចេញជាបន្ទាន់ ហើយត្រូវអនុវត្តឱ្យបាននូវច្បាប់ស្តីពីសំណង់ និងច្បាប់ស្ដីពីការគ្រប់គ្រងច្រាំងទន្លេ និងទន្លេជាធរមាន។
បើតាមគំនូសប្លង់ទ្រង់ទ្រាយដីភូមិគ្រឹះរបស់ឈ្មោះឈុន លឹមសាងសង់ ដីកម្មសិទ្ទិរបស់លោកចំនួន៣៣៦ម៉ែត្រការ៉េតែលោកឈុន លឹមបានសាងសង់រំលោភ លើដីច្រាំងទន្លេ និង រំលោភក្នុងផ្ទៃទន្លេប្រវែង៤៤.៦០ម៉ែត្រ ដែលក្នុងនោះរំលោភបរិវេណចំណីទន្លេចំនួន២០ម៉ែត្រនិងរំលោភ ផ្ទៃទន្លេប្រវែង២៤.៦០ម៉ែត្រពិតជាមិនធម្មតា ច្បាស់ជាមានការគប់គិតគ្នានិងបណ្តែតបណ្តោយពីសំណាក់អាជ្ញាធរខណ្ឌជ្រោយចង្វារ ហើយមើលទៅ?
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ