រាជធានីភ្នំពេញ៖ ឯកឧត្តម ខៀវ កាញារីទ្ធ សមាជិករដ្ឋសភា និងជាអតីតរដ្ឋមន្ត្រីក្រសួងព័ត៌មានបានគូសបញ្ជាក់ថា បើយើងមិនយល់ពីអតីតកាលយើងច្បាស់ទេ ប្រវត្តិសាស្ត្រនឹងវិលមករកយើងដដែល។ ឯកឧត្តម ខៀវ…
រាជធានីភ្នំពេញ៖ ឯកឧត្តម ខៀវ កាញារីទ្ធ សមាជិករដ្ឋសភា និងជាអតីតរដ្ឋមន្ត្រីក្រសួងព័ត៌មានបានគូសបញ្ជាក់ថា បើយើងមិនយល់ពីអតីតកាលយើងច្បាស់ទេ ប្រវត្តិសាស្ត្រនឹងវិលមករកយើងដដែល។
ឯកឧត្តម ខៀវ កាញារីទ្ធបានសរសេលើ បណ្តាញសង្គមនៅថ្ងៃទី១៧ ខែឧសភា ឆ្នាំ២០២៦យ៉ាងដូច្នេះ៖នៅក្នុងអារម្ភកថាសៀវភៅ«ជម្នះរស់»ជាភាសាខ្មែរ ខ្ញុំបានសរសេរថា «បើយើងមិនយល់ពីអតីតកាលយើងច្បាស់ទេ ប្រវត្តិសាស្ត្រនឹងវិលមករកយើងដដែល» ហើយជាទូទៅអ្នកនយោបាយត្រូវដឹងពីអតីតកាលមួយចំនួន មិនមែនដើម្បីជាអ្នកជំនាញទេ តែដើម្បីកុំអោយ«ក្បាលមិនដល់មេឃ ជើងមិនជាប់ដី» ។ ឧទាហរណ៍ថ្មីៗនេះ គឺសម្តីលោក សុិន ជិនពិញ ដែលនិយាយទៅកាន់លោកត្រាំធ្វើអោយទីប្រឹក្សាអាមេរិកមួយចំនួនវិះធ្លាក់ពីលើកៅអី គឺលោក សុីជិនពិញ និយាយពីការចាំបាច់ចៀសផុតពីអន្ទាក់ Thucydides ( Thucydides Trap ) ព្រោះមិនមានអ្នកណាគិតថាលោក ស៊ី ជិនពិញ ចេះយកសម្តីនយោបាយវិទូអាមេរិកមកនិយាយចំពេលនេះទេ ។
ឯកឧត្តមបានលើកឡើងថាអន្ទាក់ Thucydides គឺជាការប្រឈមមុខរវាងបុរី Athen និង Sparta ដែលជាមហាអំណាចធំពីរប្រជែងគ្នាក្នុងពិភពក្រិក កាលពី ២ ០០០ ឆ្នាំមុន ។ បុរីទាំងពីរបានរួមកម្លាំងគ្នាកម្ចាត់ចក្រភពពែក្ស តែនៅពេលមានជ័យជំនះហើយ បុរីទាំងពីក៏ងាកមកប្រខាំគ្នាព្រោះការប្រកួតប្រជែងឥទ្ធិពលនាសម័យនោះ ។
ឯកឧត្តមថាពាក្យ « Thucyclydes Trap» ត្រូវបាន ប្រើដោយលោក Herman Wouk ក្នុងពេលលោកធ្វើបទឧទ្ទេសនាមនៅមហាវិទ្យាល័យសង្គ្រាមជើងទឹក ( Naval War College ) នាឆ្នាំ ១៩៨០ ។ លោកបាន បង្ហាញថា នៅក្នុងការប្រឈមមុខរវាងមហាអំណាចដែលទើបលេចឡើង ( Emerging Power ) ជាមួយមហាអំណាចដែលកំពុងត្រួតត្រា ( Ruling Power ) ចំនួន ១៦ ក្នុងប្រវត្តិសាស្ត្រ ការប្រឈមមុខចំនួន ១២ បានបញ្ចប់ក្នុងសង្គ្រាម ។ ហើយពាក្យនេះ ត្រូវបាននយោបាយវិទូអាមេរិកមួយចំនួនយកមកប្រើក្នុងទំនាក់ទំនងសហរដ្ឋអាមេរិក – ចិន នៅពេលបច្ចុប្បន្ននេះ ៕
ចែករំលែកព័តមាននេះ