ទីក្រុងបាងកក ៖ គ្រោះថ្នាក់បុកគ្នាយ៉ាងរន្ធត់មួយ រវាងរថភ្លើងដឹកទំនិញ និងឡានក្រុងសាធារណៈ បានបណ្តាលឱ្យមនុស្សយ៉ាងហោចណាស់០៨នាក់បាត់បង់ជីវិត និង ២៥នាក់ផ្សេងទៀត រងរបួស នៅក្នុងទីក្រុងបាងកក…
ទីក្រុងបាងកក ៖ គ្រោះថ្នាក់បុកគ្នាយ៉ាងរន្ធត់មួយ រវាងរថភ្លើងដឹកទំនិញ និងឡានក្រុងសាធារណៈ បានបណ្តាលឱ្យមនុស្សយ៉ាងហោចណាស់០៨នាក់បាត់បង់ជីវិត និង ២៥នាក់ផ្សេងទៀត រងរបួស នៅក្នុងទីក្រុងបាងកក នេះបើតាមសារព័ត៌មាន BBC របស់អង់គ្លេស បានរាយការណ៍នៅល្ងាចថ្ងៃសៅរ៍នេះ ។
ស្ថានការណ៍នៅកន្លែងកើតហេតុ មន្ត្រីនគរបាល និងមន្ត្រីសង្គ្រោះនៅតំបន់កើតហេតុ បានបញ្ជាក់ថា ការបុកគ្នាយ៉ាងពេញទំហឹងនេះ បានបង្កជាអគ្គិភ័យឆាបឆេះយ៉ាងសន្ធោសន្ធៅ លេបត្របាក់ឡានក្រុងសាធារណៈនោះទាំងស្រុង នៅថ្ងៃសៅរ៍នេះ។ អណ្តាតភ្លើងដ៏ខ្លាំងក្លា ក៏បានរាលដាលទៅដល់យានយន្តដទៃទៀត ដែលនៅក្បែរនោះផងដែរ ដែលជាហេតុធ្វើឱ្យមានការចល័តកងពន្លត់អគ្គិភ័យ និងក្រុមសង្គ្រោះជាច្រើននាក់ ចេញអន្តរាគមន៍ជាបន្ទាន់ ។
នៅក្នុងប្រតិបត្តិការដ៏តក់ក្រហល់នោះ ក្រុមការងារសង្គ្រោះ បានខិតខំប្រឹងប្រែងយ៉ាងខ្លាំង ដើម្បីទាញជនរងគ្រោះ ដែលរងរបួសចេញពីគំនរដែកបាក់បែក ស្របពេលដែលក្រុមពន្លត់អគ្គិភ័យ បាននិងកំពុងវាយលុក ដើម្បីគ្រប់គ្រង និងទប់ស្កាត់ការរីករាលដាល នៃអណ្តាតភ្លើង ៕
ចែករំលែកព័តមាននេះ