សង្គ្រាមអ៊ុយក្រែន ៖ រុស្ស៊ីបន្តវាយប្រហារជាប់រដឹក លើបណ្ដាគោលដៅស៊ីវិល និងយោធាអ៊ុយក្រែន ហើយការវាយប្រហារគួរឲ្យកត់សម្គាល់ គឺកាលពីយប់ថ្ងៃទី១៣ មក ១៤ ឧសភា…
សង្គ្រាមអ៊ុយក្រែន ៖ រុស្ស៊ីបន្តវាយប្រហារជាប់រដឹក លើបណ្ដាគោលដៅស៊ីវិល និងយោធាអ៊ុយ
ក្រែន ហើយការវាយប្រហារគួរឲ្យកត់សម្គាល់ គឺកាលពីយប់ថ្ងៃទី១៣ មក ១៤ ឧសភា បណ្ដាលឲ្យមនុស្សស្លាប់២១នាក់ ។
ទន្ទឹមនឹងនេះដែរ អ៊ុយក្រែនបន្តវាយប្រហារលើបណ្ដាទីតាំងដែលរួមចំណែកក្នុងការធ្វើសង្គ្រាមរបស់រុស្ស៊ី ពិសេសបណ្ដាហេដ្ឋារចនាសម្ព័ន្ធប្រេងកាត និងឧស្ម័នរបស់ប្រទេសនេះ តាមរយៈការវាយប្រហារដោយដ្រូន និងមីស៊ីលរយៈឆ្ងាយ ដែលអាចទម្លុះបានកាន់តែខ្លាំងរបាំងការពារអាកាសរបស់ក្រុងមូស្គូ។ បណ្ដាហេដ្ឋារចនាសម្ព័ន្ធប្រេងរុស្ស៊ី ស្ថិតនៅទីឆ្ងាយៗរងការវាយប្រហារ។
កាលពីថ្ងៃទី១២ ឧសភា ប្រធានាធិបតីអ៊ុយក្រែន លោកវ៉ូឡូឌីមៀរ ហ្សេឡេនស្គី អះអាងថា កងកម្លាំងអ៊ុយក្រែនបានវាយប្រហារទីតាំងឧស្ម័នរុស្ស៊ីមួយកន្លែងស្ថិត ក្នុងតំបន់អូរេនបួកចម្ងាយជាង១៥០០គីឡូម៉ែត្រ ពីព្រំដែនអ៊ុយក្រែន។ រួចក្នុងតំបន់សមុទ្រខ្មៅ ទីតាំងប្រេងកាតរបស់ក្រុមហ៊ុនTAMANEFTGAZ នៅវ៉ុលណា ក៏រងការវាយប្រហារ ក៏ដូចជារោងចក្រចម្រាញ់ប្រេងកាតយ៉ារ៉ូស្លាវស្ថិតនៅចម្ងាយ៧៥០គីឡូម៉ែត្រពីព្រំដែន ។
រុស្ស៊ីពេលនេះ ក៏កំពុងប្រឈមមុខដែរនឹងយុទ្ធនាការវាយប្រហារដោយដ្រូនអ៊ុយក្រែន លើផ្លូវដឹកជញ្ជូនភស្ដុភារតាមបណ្ដោយខ្សែរណសិរ្ស ។ កាលពីប៉ុន្មានថ្ងៃមុននេះ កងអង្គភាពទី១AZOVនៃកងឆ្មាំជាតិអ៊ុយក្រែន បានចេញផ្សាយវីដេអូមួយជាមួយរូបភាពនៃការវិលត្រឡប់មកវិញនៃកងពលតូចម៉ារីអ៊ូប៉ូលតាមផ្លូវអាកាស និងការវាយប្រហារកាត់ផ្ដាច់ការផ្គត់ផ្គង់កងទ័ពរុស្ស៊ី ដែលកាន់កាប់ទីក្រុងនោះ ចាប់តាំងពីខែឧសភាឆ្នាំ២០២២មក។
កងទ័ពអ៊ុយក្រែនសន្យាវិលត្រឡប់មកកាន់ទីក្រុងនោះវិញក្នុងពេលណាមួយ។ កាលពីថ្ងៃទី១៣ឧសភារុស្ស៊ីបានវាយប្រហារតាមអាកាសខ្លាំងក្លាបំផុតលើអ៊ុយក្រែន ជាមួយដ្រូនច្រើនរយគ្រឿងដើម្បីឲ្យកងកម្លាំងការពារអាកាសប្រទេសនោះវិលក្បុង បណ្ដាលឲ្យមនុស្សស្លាប់យ៉ាងតិច៣នាក់ ហើយ១២នាក់ទៀតរងរបួស ៕
ចែករំលែកព័តមាននេះ