ប្រទេសឥណ្ឌា ៖ ព្យុះដ៏សាហាវអមដោយខ្យល់បោកបក់ខ្លាំង រន្ទះ ភ្លៀង និងការធ្លាក់ដុំព្រិល បណ្ដាលឲ្យមនុស្សស្លាប់យ៉ាងតិច៨៩នាក់ ក្នុងរដ្ឋអ៊ុតតាប្រាដេសជារដ្ឋមានប្រជាជនច្រើនជាងគេនាភាគខាងជើងឥណ្ឌា ។ នេះជាការគូសបញ្ជាក់…
ប្រទេសឥណ្ឌា ៖ ព្យុះដ៏សាហាវអមដោយខ្យល់បោកបក់ខ្លាំង រន្ទះ ភ្លៀង និងការធ្លាក់ដុំព្រិល បណ្ដាលឲ្យមនុស្សស្លាប់យ៉ាងតិច៨៩នាក់ ក្នុងរដ្ឋអ៊ុតតាប្រាដេសជារដ្ឋមានប្រជាជនច្រើនជាងគេនាភាគខាងជើងឥណ្ឌា ។ នេះជាការគូសបញ្ជាក់ កាលពីថ្ងៃទី១៤ ឧសភា របស់ផ្នែកការពារស៊ីវិលមូលដ្ឋាន។
រដ្ឋអ៊ុតតាប្រាដេសមានប្រជាជនជាង២៤០លាននាក់ តែងជួបប្រទះញឹកញាប់នូវព្យុះនិងរន្ទះដែលបណ្ដាលឲ្យមនុស្សស្លាប់ច្រើននាក់ ។ ការិយាល័យនៃស្នងការដ្ឋានទទួលបន្ទុកខាងជួយសង្គ្រោះ ក្នុងសេចក្ដីប្រកាសមួយគូសបញ្ជាក់ថា ដោយសារលក្ខខណ្ឌឧតុនិយមអាក្រក់ខ្លាំង នាថ្ងៃទី១៣ឧសភា របាយការណ៍រៀបរាប់ពីមនុស្សស្លាប់៨៩នាក់ និង៥៣នាក់រងរបួស សត្វពាហនៈងាប់១១៤ក្បាល និងផ្ទះ៨៧ខ្នង រងការខូចខាតក្នុងរដ្ឋនោះ។
រយៈពេលប៉ុន្មានឆ្នាំចុងក្រោយនេះ ផ្នែកឧតុនិយមឥណ្ឌាបានព្រមានពីការកើនឡើងនៃបាតុភូតឧតុនិយមដែលអាក្រក់បំផុតនានា ពិសេស ព្យុះដ៏សាហាវ អមដោយរន្ទះដែលបណ្ដាអ្នកជំនាញការថា បណ្ដាលមកពីសីតុណ្ហភាពឡើងខ្ពស់ និងការផ្លាស់ប្ដូរបរិយាកាស។ សេចក្ដីប្រកាសបញ្ជាក់ថា អាជ្ញាធរបានទទួលការណែនាំឲ្យផ្ដល់ជំនួយហិរញ្ញវត្ថុ ដល់បណ្ដាគ្រួសារដែលរងគ្រោះដោយសារព្យុះ ៕
ចែករំលែកព័តមាននេះ