អ្នកនាំចេញអង្ករដ៏ចម្បងមួយរូបបានអះអាងថា ទីផ្សារអង្ករកម្ពុជានៅទ្វីបអាមេរិកខាងជើង និងអាហ្វ្រិក អាចមានភាពធន់ គឺនៅរង្វង់ឆ្នាំ២០៣០ ។ លោក សុង សារ៉ន អគ្គនាយកក្រុមហ៊ុនអេមរុរាយស៍កម្ពុជា…
អ្នកនាំចេញអង្ករដ៏ចម្បងមួយរូបបានអះអាងថា ទីផ្សារអង្ករកម្ពុជានៅទ្វីបអាមេរិកខាងជើង និងអាហ្វ្រិក អាចមានភាពធន់ គឺនៅរង្វង់ឆ្នាំ២០៣០ ។
លោក សុង សារ៉ន អគ្គនាយកក្រុមហ៊ុនអេមរុរាយស៍កម្ពុជា បានអះអាង កាលពីថ្ងៃទី១១ ខែឧសភា ឆ្នាំ២០២៦ថា សម្រាប់ឆ្នាំ២០៣០ខាងមុខ ការនាំចេញអង្ករកម្ពុជា នឹងកាន់តែមានភាពសកម្មចម្រុះ និងមានការតភ្ជាប់តំបន់កាន់តែខ្លាំង ជាពិសេសការពង្រីកទៅកាន់ទីផ្សារអាមេរិកខាងជើង និងទីផ្សារអាហ្វ្រិក ដែលនឹងបង្កើនភាពធន់ និងបង្កើតឱកាសកាន់តែទូលំទូលាយសម្រាប់វិស័យស្រូវអង្ករកម្ពុជា ។
លោកបានបន្តថា បច្ចុប្បន្ន ទីផ្សារសហភាពអឺរ៉ុប មានចំណែកប្រមាណត្រឹម២៧ភាគរយ នៃការនាំចេញអង្ករកម្ពុជា ។
លោកបានបន្តទៀតថា ដោយឡែក ទីផ្សារចិនបានស្ដារកំណើនឡើងវិញយ៉ាងខ្លាំង ដោយកាន់កាប់ចំណែកជាង២៨ភាគរយ បន្ទាប់ពីធ្លាក់ចុះអស់រយៈពេលជាច្រើនឆ្នាំ ហើយអ្វីដែលគួរឱ្យចាប់អារម្មណ៍បន្ថែមទៀតនោះ គឺទីផ្សារអាស៊ានកំពុងកើនឡើងដល់ជិត៣៨ភាគរយ ដោយសារតម្រូវការនៅប្រទេសហ្វីលីពីន ម៉ាឡេស៊ី សិង្ហបុរី និងវៀតណាម ។
៤ខែកន្លងទៅនេះ សហព័ន្ធស្រូវអង្ករកម្ពុជាបានអះអាងថា កម្ពុជាបាននាំចេញអង្ករបាន៤៦៩.៩០៩ តោន គិតជាទឹកប្រាក់បានជាង ២៦៦ លានដុល្លារ ហើយស្រូវវិញ គឺបានជាង២,៦៨ លានតោន ដែលមានតម្លៃជាង ៥៧៦លានដុល្លារ ៕
ចែករំលែកព័តមាននេះ