រាជធានីភ្នំពេញ ៖ សកម្មភាពរបស់មជ្ឈមណ្ឌលជាតិផ្តល់ឈាមនៃក្រសួងសុខាភិបាល ដែលបានសហការជាមួយក្រុមហ៊ុនទឹកបរិសុទ្ធវីតាល់ស្វែងរកអ្នកបរិ ច្ចាគឈាម កំពុងបន្តដំណើរការយ៉ាងកក់ក្តៅបន្ទាប់ពីអនុសាសន៍របស់សម្តេច តេជោ ហ៊ុន សែន បានអំពាវនាវដល់និស្សិតតាមសាកលវិទ្យា
រាជធានីភ្នំពេញ ៖ សកម្មភាពរបស់មជ្ឈមណ្ឌលជាតិផ្តល់ឈាមនៃក្រសួងសុខាភិបាល ដែលបានសហការជាមួយក្រុមហ៊ុនទឹកបរិសុទ្ធវីតាល់ស្វែងរកអ្នកបរិច្ចាគឈាម កំពុងបន្តដំណើរការយ៉ាងកក់ក្តៅបន្ទាប់ពីអនុសាសន៍របស់សម្តេចតេជោ ហ៊ុន សែន បានអំពាវនាវដល់និស្សិតតាមសាកលវិទ្យាល័យនានាឱ្យបរិច្ចាគឈាមដើម្បីសង្គ្រោះជីវិតមនុស្ស ។
សកម្មភាពរបស់មជ្ឈមណ្ឌលជាតិផ្តល់ឈាម និងក្រុមហ៊ុនទឹកបរិសុទ្ធវីតាល់នេះ ក៏អាស្រ័យដោយមានការចូលរួមពីសំណាក់សប្បុរសជនផងដែរ ។ ជាការកត់សម្គាល់មានសប្បុរសជនរាប់ពាន់នាក់ភាគច្រើនជានិស្សិត បញ្ញវន្ត តាមសាកលវិទ្យាល័យនានាបានស្ម័គ្រចិត្តក្នុងការបរិច្ចាគឈាមនេះ ។ ជាដៃគូក្នុងសកម្មភាពមនុស្សធម៌នេះជាមួយមជ្ឈមណ្ឌលជាតិផ្តល់ឈាម ក្រុមហ៊ុនអិន វី ស៊ី ខបភើរេសិន ដែលជាក្រុមហ៊ុនទឹកបរិសុទ្ធវីតាល់ បានចំណាយទឹកប្រាក់ដែលបានមកពីការលក់ផលិតផលរបស់ខ្លួនជួយជនក្រីក្រ រហូតជួយដល់កាកបាទក្រហមកម្ពុជា និងកងទ័ពការពារទឹកដីនៅឯសមរភូមិមុខទៀតផង។ សកម្ម ភាពនេះបានធ្វើឱ្យមជ្ឈដ្ឋានសាធារណៈយល់កាន់តែច្បាស់ថា វីតាល់គឺជាក្រុមហ៊ុនគំរូមួយសម្រាប់ឱ្យក្រុមហ៊ុនដទៃទៀតធ្វើតាម ដើម្បីរួមចំណែកជាមួយរាជរដ្ឋាភិបាលកម្ពុជា អភិវឌ្ឍប្រទេសជាតិក៏ដូចជាការបំពេញការងារមនុស្សធម៌នេះ ។
នៅព្រឹកថ្ងៃទី២ សីហា និស្សិតរាប់រយនាក់នៃសាកលវិទ្យាល័យធនធានមនុស្ស បានស្ម័គ្រចិត្តផ្តល់ឈាមជូនមជ្ឈមណ្ឌលជាតិផ្តល់ឈាម នៃក្រសួងសុខាភិបាល តាមរយៈកិច្ចសហការជាមួយក្រុមហ៊ុនផលិតទឹកបរិសុទ្ធវីតាល់។ លោកឧកញ៉ា ឡាវ វ៉ាន់ នាយកគ្រប់គ្រងក្រុមហ៊ុនទឹកបរិសុទ្ធវីតាល់ ដែលជាតំណាងដ៏ខ្ពង់ខ្ពស់លោកជំទាវ ហ៊ុន ម៉ាណា ប្រធានក្រុមប្រឹក្សាភិបាល និងជាអគ្គនាយិកាក្រុមហ៊ុនអិន វី ស៊ី ខបភើរេសិន មានប្រសាសន៍ថា វីតាល់នៅតែសហការជាមួយមជ្ឈមណ្ឌលជាតិផ្តល់ឈាមស្វែងរកការបរិច្ចាគឈាមពីសំណាក់សប្បុរសជន ឬប្អូនៗនិស្សិតជាប្រចាំដូចដែលធ្លាប់បានធ្វើកន្លងមកជាច្រើនលើករួចហើយ ។
លោកឧកញ៉ាបន្តថា ក្រុមហ៊ុនមានគម្រោងដកទឹកប្រាក់បដិភាគដែលចំណេញពីការលក់ទឹកបរិសុទ្ធវីតាល់មកជួយលើកកម្ពស់ផ្នែកសង្គមកិច្ចទៅមុខទៀត ។ ប៉ុន្តែវីតាល់ ដំណើរការទៅបានអាស្រ័យដោយមានការគាំទ្រពីសំណាក់អតិថិជនចូលរួមប្រើប្រាស់ផលិតផលរបស់ខ្លួនកាន់តែច្រើនផងដែរ៕
ចែករំលែកព័តមាននេះ