ស្ត្រីរងគ្រោះដោយទឹកអាស៊ីតពិការភ្នែកនៅអ៊ីរ៉ង់សម្រេចលើកលែងទោសដល់ បុរសដៃដល់ ព្រោះមានជំនឿថា ការលើកលែងទោសប្រសើរជាងការសងសឹក
ស្ត្រីអ៊ីរ៉ង់ដែលរងគ្រោះដោយទឹកអាស៊ីតបណ្តាលឱ្យពិការភ្នែក និងខូចសម្រស់ផ្ទៃមុខបានប្រកាសលើកលែងទោសដល់ជនដៃដល់ នៅមុនពេលដែលក្រុមគ្រូពេទ្យធ្វើការបន្តក់ទឹកអាស៊ីតដាក់ភ្នែក របស់បុរសបង្កហេតុនៅឯមន្ទីរពេទ្យមួយកន្លែង ។ នាងអាមេណេ បារ៉ាមី ដែលពិការភ្នែកដោយសារទឹកអាស៊ីតសម្រេចចិត្តជាលើកចុងក្រោយដោយ លើកលែងទោសដល់ជនដៃដល់ជះទឹកអាស៊ីតដោយមិនត្រូវដាក់ទោសធ្វើឱ្យ ពិការភ្នែកដូចខ្លួន ស្របតាមច្បាប់របស់អ៊ិស្លាម ខណៈពេលបុរសបង្កហេតុកំពុងអង្គុយលុតជង្គង់ និងស្រែកយំរង់ចាំទទួលទោស ។ លោកម៉ាជីត មូវ៉ាហ៊ីឌី ត្រូវតុលាការសម្រេចដាក់ទោសដោយបន្តក់ទឹកអាស៊ីតឱ្យពិការភ្នែក ទាំងសងខាង តាមកំហុសរបស់ខ្លួនដែលជះទឹកអាស៊ីតដាក់មុខនាងអាមេណេ បារ៉ាមី មិត្តរួមថ្នាក់ក្នុងមហាវិទ្យាល័យតេហេរ៉ង់ ដោយសារតែនាងបដិសេធការសុំរៀបការរបស់គេ រហូតធ្វើឱ្យខូចសម្រស់ផ្ទៃមុខ និងភ្នែកទាំងសងខាង ។
ចែករំលែកព័តមាននេះ