ខេត្តស្វាយរៀង ៖ កម្លាំងនគរបាល នៃស្នងការដ្ឋាននគរបាលខេត្តស្វាយរៀង បានបើកប្រតិបត្តិការបង្ក្រាបករណីជួញដូរ រក្សាទុក កែឆ្នៃ ប្រើប្រាស់ដោយខុសច្បាប់នូវសាធាតុញៀន ដោយឃាត់ខ្លួនជនសង្ស័យចំនួន ០៥នាក់…
ខេត្តស្វាយរៀង ៖ កម្លាំងនគរបាល នៃស្នងការដ្ឋាននគរបាលខេត្តស្វាយរៀង បានបើកប្រតិបត្តិការបង្ក្រាបករណីជួញដូរ រក្សាទុក កែឆ្នៃ ប្រើប្រាស់ដោយខុសច្បាប់នូវសាធាតុញៀន ដោយឃាត់ខ្លួនជនសង្ស័យចំនួន ០៥នាក់ ដកហូតគ្រឿងញៀនជាង៧គីឡូក្រាម បញ្ជូនទៅសាលាដំបូងខេត្តស្វាយរៀង ចាត់ការតាមផ្លូវច្បាប់ ។
បើតាមមន្ត្រីនគបាលខេត្ត បានឲ្យដឹងថា ការចុះបង្ក្រាបក្រុមឧក្រិដ្ឋជនជួញដូគ្រឿងញៀននេះ ដោយអនុវត្តតាមបទបញ្ជាដ៏យ៉ាងម៉ឺងម៉ាត់របស់នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលដឹកនាំពីលោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងដឹកនាំបញ្ជាផ្ទាល់ដោយលោកឧត្ដមសេនីយ៍ត្រី កែវ សុថា ស្នងការរងទទួលផែនការងារប្រឆាំងគ្រឿងញៀន ដោយមានការសម្របសម្រួលពីលោក ឡាយ ជុងហេង ព្រះរាជអាជ្ញារង អមសាលាដំបូងខេត្តស្វាយរៀង កាលពីថ្ងៃទី០៦ ខែឧសភា ឆ្នាំ២០២៦ លោកវរសេនីយ៍ឯក កាន កេន បានដឹកនាំកម្លាំងការិយាល័យប្រឆាំងគ្រឿងញៀនខេត្ត សហការជាមួយកម្លាំងនគរបាល នៃអធិការដ្ឋាននគរបាលក្រុងបាវិត ដឹកនាំដោយលោកវរសេនីយ៍ទោ អែម សុវណ្ណារិទ្ធិ អធិការនគរបាលក្រុងបាវិត បានបើកប្រតិបត្តិការបង្ក្រាបករណីជួញដូរ រក្សាទុក កែច្នៃ ប្រើប្រាស់ដោយខុសច្បាប់នូវសាធាតុញៀន និងកាន់កាប់គ្រាប់រំសេវ ដោយគ្មានការអនុញ្ញាត ដោយឃាត់ខ្លួនជនសង្ស័យចំនួន ០៥នាក់ ស្រី០១នាក់ ជាជនជាតិវៀតណាម ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ។
ដកហូតវត្ថុតាងរួមមាន៖
-សារធាតុញៀនសរុប ៧,៧០២.០៤ក្រាម
-ជញ្ជីងថ្លឹង ០២គ្រឿង
-គ្រាប់កាំភ្លើងខ្លី ០៤គ្រាប់
-ទូរសព្ទដៃ ០៥គ្រឿង
-ម៉ូតូ ០១គ្រឿង និងសម្ភារមួយចំនួនទៀត។
បច្ចុប្បន្ន ជនសង្ស័យ រួមទាំងវត្ថុតាង ត្រូវបានសមត្ថកិច្ចជំនាញ កសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ