ខេត្តបន្ទាយមានជ័យ ៖ រថយន្តធុនធំសណ្តោងរ៉ឺម៉កដឹកខ្សាច់បុកសំយ៉ាបផ្ទះអ្នកស្រុក បណ្តាលឱ្យបាក់ ចំណែករថយន្តក្រឡាប់ផ្ងារជើង តែសំណាងគ្មានអ្នករងគ្រោះនោះទេ ។ ហេតុការណ៍ខាងលើនេះ បានកើតឡើងនៅថ្ងៃទី០៩ ខែឧសភា…
ខេត្តបន្ទាយមានជ័យ ៖ រថយន្តធុនធំសណ្តោងរ៉ឺម៉កដឹកខ្សាច់បុកសំយ៉ាបផ្ទះអ្នកស្រុក បណ្តាលឱ្យបាក់ ចំណែករថយន្តក្រឡាប់ផ្ងារជើង តែសំណាងគ្មានអ្នករងគ្រោះនោះទេ ។
ហេតុការណ៍ខាងលើនេះ បានកើតឡើងនៅថ្ងៃទី០៩ ខែឧសភា ឆ្នាំ២០២៦ នៅចំណុចផ្លូវកោង ស្ថិតភូមិបឹងប្រាសាទ ឃុំអូរប្រាសាទ ស្រុកមង្គលបូរី ។
មន្ត្រីនគរបាលចរាចរណ៍ផ្លូវគោកស្រុកមង្គលបូរី បានឱ្យដឹងថា នៅពេលគ្រោះថ្នាក់ចរាចរណ៍កើតឡើងមានរថយន្តធុនធំសណ្តោងរ៉ឺម៉កដឹកដីខ្សាច់ពេញ បានបើកបរក្នុងទិសដៅពីត្បូងមកជើង និងបើកលឿន លុះមកដល់ត្រង់ចំណុចផ្លូវកោង បានបុកសំយ៉ាបផ្ទះមួយខ្នង បណ្តាលឱ្យបាក់ ចំណែករថយន្តក្រឡាបផ្ងារជើងឡើងលើចាក់ខ្សាច់លើចិញ្ចើមផ្លូវ តែសំណាងល្អគ្មានអ្នករងគ្រោះឡើយ។
មន្ត្រីនគរបាលបានបញ្ជាក់ថា ក្រោយគ្រោះថ្នាក់ចរាចរណ៍កម្លាំងជំនាញបានចុះទៅពិនិត្យមើលកន្លែងកើតហេតុ និងមូលហេតុគ្រោះថ្នាក់ចរាចរណ៍កើតឡើង បណ្តាលមកពីអ្នកបើកបរងងុយដេកទើបពេលបើកមកដល់ត្រង់ផ្លូវកោង ក៏បុកសំយ៉ាបផ្ទះ បណ្តាលខូចខាតផ្នែកខាងមុខ និងរថយន្តក្រពិតកាប៊ីនរថយន្តផ្នែកខាងមុខ ក្រោយពិនិត្យហើយបានយករថយន្តបង្កគ្រោះទៅរក្សាទុកនៅអធិការដ្ឋាននគរបាលស្រុកមង្គលបូរី ដើម្បីដោះស្រាយគ្នាតាមច្បាប់ចរាចរណ៍ផ្លូវគោក៕
ចែករំលែកព័តមាននេះ