ការជួបគ្នាជាថ្មីរវាងម្ចាស់ជើងឯកស្ថាប័នWBOក្នុងប្រភេទទម្ងន់ Featherweightអ័រឡានដូ សាលីដូជាមួយនឹងអតីតម្ចាស់ស្ថាប័ននេះចូអាន ម៉ានូអែល ម៉ាកហ្គេសអាចនឹងកើតមានឡើងនៅថ្ងៃទី១៥ខែតុលាខាងមុខ។ គេនៅចាំបានថា ការជួបគ្នាលើកទី១រវាងកីឡាករទាំង២នាក់នោះគឺធ្វើឡើងកាលពីខែមេសាឆ្នាំទៅមិញដែលកាលនោះ
ការជួបគ្នាជាថ្មីរវាងម្ចាស់ជើងឯកស្ថាប័នWBOក្នុងប្រភេទទម្ងន់ Featherweightអ័រឡានដូ សាលីដូជាមួយនឹងអតីតម្ចាស់ស្ថាប័ននេះចូអាន ម៉ានូអែល ម៉ាកហ្គេសអាចនឹងកើតមានឡើងនៅថ្ងៃទី១៥ខែតុលាខាងមុខ។
គេនៅចាំបានថា ការជួបគ្នាលើកទី១រវាងកីឡាករទាំង២នាក់នោះគឺធ្វើឡើងកាលពីខែមេសាឆ្នាំទៅមិញដែលកាលនោះ កីឡាករសាលីដូបានយកឈ្នះឡូប៉េសដោយអាជ្ញាកណ្តាលបញ្ឈប់ក្នុងទឹកទី៨។ បន្ទាប់ពីបរាជ័យរួចមក មានការនិយាយថា កីឡាករឡូប៉េសត្រូវបានធ្វើឲ្យបែកអារម្មណ៍ដោយសកម្មភាពនៅខាងក្រៅសង្វៀនប្រកួត។ នោះគឺជាមូលហេតុដែលគេបានពិពណ៌នាថា បានធ្វើឲ្យឡូប៉េសចាញ់ការប្រកួត។
ទោះជាយ៉ាងណាគឺមិនខុសពីកីឡាករផ្សេងទៀតឡើយ។ ការប្រកួតរបស់ឡូប៉េសកាលពីឆ្នាំ២០១០នោះគឺវាដូចតែការប្រកួតរបស់គេកាលពីឆ្នាំ២០០៩ដែរ។ ការខុសប្លែកគ្នារវាងកីឡាករសាលីដូនិងឡូប៉េសគឺត្រង់ថា សាលីដូមានកម្លាំងនិងកំពស់ខ្ពស់ជាងឡូប៉េស ជាពិសេសគេមានស្បែកមុខក្រាស់មិនងាយសន្លប់ផ្តេសផ្តាស។
សាលីដូត្រូវបានគេមើលឃើញថាមិនមែនជាគូប្រកួតដែលឡូប៉េសងាយស៊ីផុយនោះទេ។ ផ្ទុយទៅវិញ ឡូប៉េសអាចនឹងត្រូវសន្លប់ក្រោមកណ្តាប់ដៃសាលីដូជាលើកទី២។
បើមើលពីឯតទគ្គកម្មប្រកួតវិញ សាលីដូមិនសូវជាល្អទេ ។ គេធ្លាប់ឈ្នះ៣៦លើក ប៉ុន្តែចាញ់ដល់ទៅ១១លើក និងស្មើ២លើក ធ្លាប់បានផ្តួលដៃគូឲ្យសន្លប់បានចំនួន២៤លើក។ ចំណែកឡូប៉េសនៅក្នុងការប្រកួត៣១លើក គេចាញ់តែ១លើកប៉ុណ្ណោះ ហើយក្នុងជ័យជម្នះ៣០លើកគឺគេវាយឲ្យគូប្រកួតសន្លប់ចំនួន២៧លើក ៕
ចែករំលែកព័តមាននេះ