សង្គ្រាមអ៊ុយក្រែន ៖ ក្រសួងការពារប្រទេសរុស្ស៊ី កាលពីថ្ងៃទី៧ ឧសភា បានអំពាវនាវដល់ពលរដ្ឋក្រុងគៀវ ឲ្យចាកចេញពីទីក្រុងនោះ ដែលប្រឈមមុខនឹងការគំរាមវាយប្រហារខ្លាំងក្លា នាថ្ងៃទី៩ឧសភា ជាថៃ្ងប្រារព្ធពិធីជ័យជម្នះរបស់សហភាពសូវៀត…
សង្គ្រាមអ៊ុយក្រែន ៖ ក្រសួងការពារប្រទេសរុស្ស៊ី កាលពីថ្ងៃទី៧ ឧសភា បានអំពាវនាវដល់ពលរដ្ឋក្រុងគៀវ ឲ្យចាកចេញពីទីក្រុងនោះ ដែលប្រឈមមុខនឹងការគំរាមវាយប្រហារខ្លាំងក្លា នាថ្ងៃទី៩ឧសភា ជាថៃ្ងប្រារព្ធពិធីជ័យជម្នះរបស់សហភាពសូវៀត លើពួកណាហ្ស៊ីអាល្លឺម៉ង់។
ម្យ៉ាងវិញទៀត វិមានក្រឹមឡាំងអះអាងពីការបង្កើតបទឈប់បាញ់គ្នារយៈពេល២ថ្ងៃមួយ នៅអ៊ុយក្រែនចាប់ពីពាក់កណ្ដាលយប់ថ្ងៃទី៨ ឧសភា ម៉ោងនៅក្រុងមូស្គូទៅ សម្រាប់ឱកាសនោះ ។ នាឱកាសខួបជ័យជម្នះនោះ ខាងអ៊ុយក្រែនក៏ប្រកាសពីបទឈប់បាញ់គ្នា២ថ្ងៃ ដែលមុនបទឈប់បាញ់របស់រុស្ស៊ី គឹថ្ងៃទី៦ និងទី៧ ឧសភា ហើយចោទប្រកាន់ក្រុងមូស្គូថា បានបដិសេធដោយបន្តវាយប្រហារប្រឆាំងប្រទេសខ្លួន ។
អ្នកនាំពាក្យវិមានក្រឹមឡាំង លោកឌីមីឌ្រីប៉េស្កូវថ្លែងថា ភ្នាក់ងារសន្តិសុខរុស្ស៊ីបានចាត់វិធានការ
នានាបន្ថែមទៀត ដើម្បីធានាដល់ការប្រព្រឹត្តទៅដ៏ល្អនៃការប្រារព្ធពិធីថ្ងៃទី៩ ឧសភា ក្នុងទូទាំងប្រទេសពិសេសនៅក្រុងមូស្គូ ដោយគិតដល់ការគំរាមកំហែងភេរវកម្មមកពីអ៊ុយក្រែន ។ លោកប៉េស្កូវក៏ថ្លែងផងដែរថា ការកាត់ផ្ដាច់់អ៊ីនធើណេត នាពេលថ្មីៗនេះ នៅក្រុងមូស្គូ ដែលបណ្ដាលឲ្យពលរដ្ឋរុស្ស៊ីមួយចំនួនមានក្ដីបារម្ភ គឺចាំបាច់ ។ វិធានការនោះ ត្រូវបានអនុវត្ត ដើម្បីធានាសន្តិសុខរបស់ប្រជាជន ដែលនោះជាអាទិភាពដាច់ខាតមួយ ។
ម្យ៉ាងទៀតរុស្ស៊ី បានស្នើកាលពីថ្ងៃទី៦ ឧសភា ដល់បណ្ដាស្ថានទូតបរទេសឲ្យជម្លៀសបុគ្គលិក និងពលរដ្ឋខ្លួនចេញពីក្រុងគៀវ មកពីការវាយប្រហារសងសឹកដោយចៀសមិនរួច ប្រសិនបើអ៊ុយក្រែនបង្កការរាំងស្ទះដល់ពិធីបុណ្យជ័យជម្នះលើពួកណាហ្ស៊ីហ៊ីត្លែរ។
នាព្រឹកព្រលឹមថ្ងៃទី៨ ឧសភា អភិបាលក្រុងមូស្គូលោកស័រហ្គេយសូប៊ិយ៉ានីនរៀបរាប់ពីការបាញ់ទម្លាក់ដ្រូនសរុប២០គ្រឿងដែលហោះសំដៅក្រុងមូស្គូ។ ចាប់តាំងពីការចូលជាធរមានកិច្ចព្រមព្រៀងឈប់បាញ់ជាឯកតោភាគីរបស់រុស្ស៊ីមក ប្រទេសនេះបានប្រកាសនាព្រឹកថ្ងៃទី៨ ឧសភា ថា បានបាញ់ទម្លាក់ដ្រូនអ៊ុយក្រែន២៦៤គ្រឿង ។
ក្នុងសេចក្ដីប្រកាសមួយផ្សាយតាមបណ្ដាញសង្គមរុស្ស៊ី MAX ក្រសួងការពារប្រទេសរុស្ស៊ីសរសេរថា រវាងពាក់កណ្ដាលយប់មកដល់ម៉ោង៧ព្រឹកម៉ោងនៅក្រុងមូស្គូ កងលម្លាំងការពារអាកាសរបស់យើង បានស្តាក់និងកម្ទេចដ្រូនអ៊ុយក្រែន២៦៤គ្រឿង។ ដ្រូនទាំងនោះត្រូវបានបាញ់ទម្លាក់ក្នុងតំបន់១០របស់រុស្ស៊ី ក្នុងនោះ មានតំបន់ក្រុងមូស្គូដែរ ៕
ចែករំលែកព័តមាននេះ