កងទ័ពអេហ្ស៊ីបកាលពីថ្ងៃទី១ សីហា បានបំបែកការបោះជំរំធ្វើបាតុកម្មចាប់តាំងពីជាង៣សប្តាហ៍មកហើយនៅទីលាន TAHRIR ជា ទីលានយ៉ាងធំនៅកណ្តាលទីក្រុងគែរ ដែលក្លាយជាទីតាំងសម្រាប់ការតវ៉ានយោបាយនៅអេ ហ្ស៊ីប។ បណ្តាគណបក្ស និងអង្គការយុវជនបានសម្រេចកាលពីថ្ងៃទី២៩ កក្កដា កន្លងមកនេះ
កងទ័ពអេហ្ស៊ីបកាលពីថ្ងៃទី១ សីហា បានបំបែកការបោះជំរំធ្វើបាតុកម្មចាប់តាំងពីជាង៣សប្តាហ៍មកហើយនៅទីលាន TAHRIR ជា ទីលានយ៉ាងធំនៅកណ្តាលទីក្រុងគែរ ដែលក្លាយជាទីតាំងសម្រាប់ការតវ៉ានយោបាយនៅអេ ហ្ស៊ីប។
បណ្តាគណបក្ស និងអង្គការយុវជនបានសម្រេចកាលពីថ្ងៃទី២៩ កក្កដា កន្លងមកនេះ ដកមនុស្សចេញពីទីតាំងនេះក្នុងរដូវបុណ្យរ៉ាម៉ាដាន ដែលចាប់ផ្តើមនៅអេហ្ស៊ីបពីថ្ងៃទី១ សីហា ទៅ ប៉ុន្តែមនុស្សក្បាលរឹងប៉ុន្មានរយនាក់នៅក្រាញបន្តស្ថិតនៅទីនោះទៀត។
តាមរូបភាពផ្សាយក្នុងទូរទស្សន៍គេឃើញបណ្តារថយន្តយោធាចតត្រៀបត្រា នៅទីលាន TAHRIR ជាកន្លែងដែលបណ្តាតង់ និងក្តារក្រាលទាំងឡាយត្រូវរុះរើចេញ។ ពុំមានសេចក្តីរាយការណ៍ពីអំពើហិង្សាឡើយ ទោះបីជាមានការបាញ់ឡើងលើខ្លះក្តី ។
ទីលាន TAHRIR ក្លាយទៅជានិមិត្តរូបនៃការតវ៉ាប្រឆាំងរបបលោកប្រធានាធិបតីហូស្នី មូបារ៉ាក់ ដែលត្រូវផ្តួលរំលំកាលពីថ្ងៃទី១១ កុម្ភៈ ដោយសវនាការកាត់ទោសលោកត្រូវបើកធ្វើនាថ្ងៃទី៣ សីហា នៅក្រុងគែរ ក្នុងបរិវេណសាលាប៉ូលិស ៕
ចែករំលែកព័តមាននេះ