ខេត្តកោះកុង ៖ តាមសេចក្តីរាយការណ៍បឋមបានឱ្យដឹងថា នៅវេលាម៉ោងប្រមានណ២និង៣០នាទីរសៀលថ្ងៃទី៧ ឧសភា ឆ្នាំ២០២៦ នេះ មានករណីព្យុះភ្លៀងលាយនិងខ្យល់កន្ត្រាក់ បានបក់បោកមកចំមុខសាលាខេត្តកោះកុង បណ្តាលអោយមានការបាក់រលំនូវរូបសំណាកយុទ្ធការ…
ខេត្តកោះកុង ៖ តាមសេចក្តីរាយការណ៍បឋមបានឱ្យដឹងថា នៅវេលាម៉ោងប្រមានណ២និង៣០នាទីរសៀលថ្ងៃទី៧ ឧសភា ឆ្នាំ២០២៦ នេះ មានករណីព្យុះភ្លៀងលាយនិងខ្យល់កន្ត្រាក់ បានបក់បោកមកចំមុខសាលាខេត្តកោះកុង បណ្តាលអោយមានការបាក់រលំនូវរូបសំណាកយុទ្ធការ ដែលជារូបនិម្មិតសញ្ញារបស់រដ្ឋបាលខេត្តកោះកុង ទើបនឹងសាងសង់រួចរាល់នៅមុនឱកាសចូលឆ្នាំប្រពៃណីជាតិកន្លងទៅថ្មីៗ មិនទាន់បានដាក់សម្ពោធនៅឡើយ ដែលគួរអោយសោកស្តាយ ។
ក្រៅពីនេះ ក៏នៅមានបាក់រលំទ្រព្យសម្បត្តិសាធារណៈជាច្រើនទៀត នេះបើតាមការអះអាងរបស់ សមត្ថកិច្ចនគរបាលសណ្តាប់ធ្នាប់នៃស្នងការដ្ឋាននគរបាលខេត្តកោះកុង ។
ព្រមជាមួយគ្នានេះដែរ ខ្លោងទ្វារសង្ក្រាន្ត ដែលឈរបង្អួតរាងតាំងពីថ្ងៃចូលឆ្នាំនៅចំពីមុខសាលាខេត្តក៏ត្រូវខ្យល់កន្ត្រាក់រលំបាក់អស់ផងដែរ ។
ព័ត៌មានលម្អិតនឹងមានផ្សាយជូនបន្ត ៕
ចែករំលែកព័តមាននេះ