រាជធានីភ្នំពេញ ៖ ជនសង្ស័យម្នាក់ ត្រូវបានកម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការឃាត់ពាក់ព័ន្ធ ករណីរំលោភសេពសន្ថវៈ និងប្រើប្រាស់ដោយខុសច្បាប់ នូវសារធាតុញៀន ។…
រាជធានីភ្នំពេញ ៖ ជនសង្ស័យម្នាក់ ត្រូវបានកម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការឃាត់ពាក់ព័ន្ធ ករណីរំលោភសេពសន្ថវៈ និងប្រើប្រាស់ដោយខុសច្បាប់ នូវសារធាតុញៀន ។
តាមនគបាលខណ្ឌទួលគោក បានឲ្យដឹងថា នៅថ្ងៃទី០៥ ខែឧសភា ឆ្នាំ២០២៦ វេលាម៉ោងប្រហែល២២និង៣០នាទីយប់ កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ០១នាក់ ករណីរំលោភសេពសន្ថវៈ និងប្រើប្រាស់ដោយខុសច្បាប់នូវសារធាតុញៀន ។
ការឃាត់ខ្លួនជនសង្ស័យរូបនោះ បន្ទាប់ពីស្ត្រីរងគ្រោះ ប្ដឹងចោទប្រកាន់ទៅលើជនសង្ស័យចាប់រំលោភសេពសន្ថវៈលើរូបខ្លួន នៅក្នុងបន្ទប់លេខ៥ កាលពីថ្ងៃទី៣០ ខែមេសា ឆ្នាំ២០២៦ វេលាម៉ោងប្រហែល០៣និង០០នាទីទៀបភ្លឺ ។
តាមនគរបាលបានឲ្យដឹងទៀតថា ជនសង្ស័យឈ្មោះ ធន ចាន់ថន ភេទប្រុស អាយុ៤៤ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅបន្ទប់ជួលមិនចាំលេខ ផ្លូវបេតុង សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ។ ចំណែកជនរងគ្រោះ ភេទស្រី អាយុ២៧ឆ្នាំ ជនជាតិខ្មែរ ។
បច្ចុប្បន្ន ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងចាត់ការតាមនីតិវិធី៕
ចែករំលែកព័តមាននេះ