​
ចំណេះដឹង៖ យោងតាមការចុះផ្សាយពីប្រភពបរទេស មហាសេដ្ឋីលំដាប់ពិភពលោក Warren Buffett បានទម្លាយ ថាគន្លឹះដ៏សំខាន់បំផុតដែលនាំឱ្យលោកទទួលបានជោគជ័យប្រកបដោយនិរន្តរភាពក្នុងអាជីវកម្ម និងជីវិតផ្ទាល់ខ្លួន គឺការអនុវត្តតាម “ច្បាប់មាស” ដែលមានអាយុកាលរាប់ពាន់ឆ្នាំគឺការប្រព្រឹត្តទៅលើអ្នកដទៃតាមរបៀបដែលយើងចង់ឱ្យគេប្រព្រឹត្តមកលើខ្លួនយើងវិញ។

លោកជឿជាក់ថាភាពស្មោះត្រង់ និងការផ្ដល់តម្លៃដល់មនុស្សជុំវិញខ្លួនមិនត្រឹមតែមិនចំណាយដើមទុនឡើយ ប៉ុន្តែវាគឺជាការវិនិយោគដ៏ចំណេញបំផុតដែលបង្កើតបានជាទំនុកចិត្ត និងបណ្ដាញដៃគូអាជីវកម្មដ៏រឹងមាំ។

តាមរយៈរចនាបថគ្រប់គ្រងដែលផ្អែកលើការទុកចិត្ត និងការផ្ដល់សិទ្ធិអំណាចឱ្យបុគ្គលិកធ្វើម្ចាស់ការលើការងារ Buffett បានបង្ហាញថាការធ្វើអាជីវកម្មដោយមានសីលធម៌គឺជាគ្រឹះគ្របដណ្ដប់លើបច្ចេកទេសរកលុយទាំងពួង ហើយវាក៏ជាមរតកស្មារតីដ៏មានតម្លៃបំផុតសម្រាប់អ្នកដឹកនាំជំនាន់ក្រោយដើម្បីរក្សានូវភាពជោគជ័យអមតៈ និងសេចក្ដីសុខពិតប្រាកដ៕