សហរដ្ឋអាមេរិក ៖ តាមកងទ័ពអាមេរិកថា ការវាយប្រហារមួយរបស់អាមេរិក សម្លាប់មនុស្ស៣នាក់នៅក្នុងនាវាមួយគ្រឿង ។ នាយប់ថ្ងៃទី៥ ឧសភា កងទ័ពអាមេរិក ក្នុងប្រតិបត្តិការប្រឆាំងការរត់ពន្ធគ្រឿងញៀន…
សហរដ្ឋអាមេរិក ៖ តាមកងទ័ពអាមេរិកថា ការវាយប្រហារមួយរបស់អាមេរិក សម្លាប់មនុស្ស៣នាក់នៅក្នុងនាវាមួយគ្រឿង ។
នាយប់ថ្ងៃទី៥ ឧសភា កងទ័ពអាមេរិក ក្នុងប្រតិបត្តិការប្រឆាំងការរត់ពន្ធគ្រឿងញៀន នៅភាគខាងកើតមហាសមុទ្រប៉ាស៊ីហ្វិកបានវាយប្រហារនាវានោះ២៤ម៉ោង បន្ទាប់ពីការវាយប្រហារប្រហាក់ប្រហែលគ្នានេះដែរ សម្លាប់មនុស្ស២នាក់មក។
តាមបណ្ដាញសង្គមX ទីបញ្ជាការដ្ឋានកងទ័ពអាមេរិក នៅតំបន់អាមេរិកឡាទីន និងការ៉ាអ៉ីបសរសេរថា នាវារងការវាយប្រហារបើកបរតាមផ្លុវសមុទ្រដែលគេស្គាល់ថា ជាផ្លូវរត់ពន្ធគ្រឿងញៀន ក្នុងតំបន់ការ៉ាអ៉ីប ដែលនាវានោះធ្វើប្រតិបត្តិការរត់ពន្ធគ្រឿងញៀន។
កាលពីថ្ងៃទី៤ ឧសភា ទីបញ្ជាការដ្ឋានយោធាអាមេរិកនោះ បានលើកពីការវាយប្រហារប្រហាក់ប្រហែលគ្នានោះដែរ សម្លាប់មនុស្ស២នាក់ដែលចាត់ទុកថា ជាអ្នករត់ពន្ធគ្រឿងញៀន ក្នុងការវាយប្រហារមួយនាភាគខាងកើតមហាសមុទ្រប៉ាស៊ីហ្វិក។
ចាប់តាំងពីច្រើនខែមកហើយ អាមេរិកបានធ្វើយុទ្ធនាការវាយប្រហារ ក្នុងមហាសមុទ្រប៉ាស៊ីហ្វិកនិងសមុទ្រការ៉ាអ៉ីប ប្រឆាំងបណ្ដានាវាដែលចាត់ទុកថា ចូលរួមក្នុងសកម្មភាពរត់ពន្ធគ្រឿងញៀនទៅកាន់សហរដ្ឋអាមេរិក ៕
ចែករំលែកព័តមាននេះ