ខេត្តកំពត ៖ ក្រោមស្មារតីយកចិត្តទុកដាក់ខ្ពស់លើសុខទុក្ខរបស់ប្រជាពលរដ្ឋ ស្នងការដ្ឋាននគរបាលខេត្តកំពត បានចាត់កម្លាំងនគរបាលនៃអធិការដ្ឋាននគរបាលស្រុកបន្ទាយមាស ចេញប្រតិបត្តិការជួយសង្គ្រោះបន្ទាន់ដល់ពលរដ្ឋរងគ្រោះដោយសារខ្យល់កន្ត្រាក់ ។ ជាក់ស្តែងស្នងការដ្ឋាននគរបាលខេត្តកំពត បានប្រកាស នាព្រឹកថ្ងៃទី០៦…
ខេត្តកំពត ៖ ក្រោមស្មារតីយកចិត្តទុកដាក់ខ្ពស់លើសុខទុក្ខរបស់ប្រជាពលរដ្ឋ ស្នងការដ្ឋាននគរបាលខេត្តកំពត បានចាត់កម្លាំងនគរបាលនៃអធិការដ្ឋាននគរបាលស្រុកបន្ទាយមាស ចេញប្រតិបត្តិការជួយសង្គ្រោះបន្ទាន់ដល់ពលរដ្ឋរងគ្រោះដោយសារខ្យល់កន្ត្រាក់ ។
ជាក់ស្តែងស្នងការដ្ឋាននគរបាលខេត្តកំពត បានប្រកាស នាព្រឹកថ្ងៃទី០៦ ខែឧសភា ឆ្នាំ២០២៦នេះថា ៖ កម្លាំងនគរបាលស្រុកបន្ទាយមាស រួមជាមួយកម្លាំងប្រជាការពារ បានចុះជួយរុះរើផ្ទះសម្បែង របស់ប្រជាពលរដ្ឋ ដែលបានទទួលរងផលប៉ះពាល់ ដោយសារខ្យល់កន្ត្រាក់ កាលពីថ្ងៃទី ០៥ ខែឧសភា ឆ្នាំ២០២៦ ។
សូមបញ្ជាក់ថា សកម្មភាពមនុស្សធម៌នេះបានឆ្លុះបញ្ចាំងឱ្យឃើញពីតួនាទី របស់កងកម្លាំងនគរបាលជាតិ មិនត្រឹមតែជាអ្នកការពារសន្តិសុខ និងសណ្តាប់ធ្នាប់សាធារណៈប៉ុណ្ណោះទេ ប៉ុន្តែ គឺជាបង្អែកដ៏រឹងមាំ និងជាអ្នកបម្រើរបស់ប្រជាពលរដ្ឋនៅគ្រប់កាលៈទេសៈមិនថា មានគ្រោះមហន្តរាយធម្មជាតិកើតឡើងក្នុងរូបភាពណាក៏ដោយ៕
ចែករំលែកព័តមាននេះ