សុខភាព៖ យោងតាមការចុះផ្សាយពីប្រភពប្រទេស ការចាស់ជរារបស់បុរសមិនមែនបង្ហាញតែលើសក់ស្កូវ ឬស្នាមជ្រួញនោះទេ ប៉ុន្តែវាស្ដែងចេញតាមរយៈសញ្ញាព្រមានសំខាន់ៗចំនួន ៣ ដែលមនុស្សជាច្រើនតែងមើលរំលង។

សញ្ញាដំបូងគឺក្លិនខ្លួនដែលមិនបាត់ទៅវិញទោះងូតទឹកស្អាតយ៉ាងណា កើតចេញពីការបញ្ចេញជាតិខ្លាញ់ស្បែកខុសប្រក្រតី និងក្លិនមាត់ដែលបណ្ដាលមកពីការថយចុះនៃទឹកមាត់។ បន្ទាប់មកគឺការដុះក្បាលពោះដែលជាលទ្ធផលនៃការថយចុះប្រព័ន្ធដុតរំលាយអាហារ និងការប្រែប្រួលអរម៉ូន បង្កជាហានិភ័យជំងឺរ៉ាំរ៉ៃផ្សេងៗ។ ចុងក្រោយគឺបញ្ហាក្រពេញប្រូស្តាត ដែលស្ដែងតាមរយៈការនោមញឹក ឬនោមទាស់នៅពេលយប់។

ដើម្បីទប់ស្កាត់ដំណើរការចាស់ជរានេះ អ្នកគួរផ្លាស់ប្តូររបបអាហារដោយកាត់បន្ថយជាតិខ្លាញ់ ស្ករ និងប្រៃ ងាកមកទទួលទានបន្លែសម្បូរវីតាមីន C ផឹកទឹកឱ្យបានគ្រប់គ្រាន់ និងហាត់ប្រាណយ៉ាងតិច ៣០ នាទីក្នុងមួយថ្ងៃ ដើម្បីរក្សាសុខភាពឱ្យនៅក្មេងជាងវ័យ និងរឹងមាំជានិច្ច៕