អេមីរ៉ាត់អារ៉ាប់រួម ៖ កាលពីថ្ងៃទី២៨ មេសា ប្រទេសអេមីរ៉ាត់អារ៉ាប់រួម ប្រកាសថា ប្រទេសខ្លួនសម្រេចដកខ្លួនចេញពីអង្គការបណ្ដាប្រទេសនាំប្រេងចេញហៅកាត់ថា OPEC នាំមុខដោយអារ៉ាប៊ីសាអ៊ូឌីត និងពីសម្ព័ន្ធភាពOPEC…
អេមីរ៉ាត់អារ៉ាប់រួម ៖ កាលពីថ្ងៃទី២៨ មេសា ប្រទេសអេមីរ៉ាត់អារ៉ាប់រួម ប្រកាសថា ប្រទេសខ្លួនសម្រេចដកខ្លួនចេញពីអង្គការបណ្ដាប្រទេសនាំប្រេងចេញហៅកាត់ថា OPEC នាំមុខដោយអារ៉ាប៊ីសាអ៊ូឌីត និងពីសម្ព័ន្ធភាពOPEC -រុស្ស៊ី ចាប់ពីថ្ងៃទី១ ឧសភា ខាងមុខនេះទៅ ។
សេចក្ដីសម្រេចចិត្តនោះ ឆ្លុះបញ្ចាំំងពីទស្សនវិស័យយុទ្ធសាស្ត្រ និងសេដ្ឋកិច្ចរយៈពេលយូររបស់ប្រទេសនេះ និងផលប្រយោជន៍ថាមពលរបស់ខ្លួន ពិសេសដើម្បីវិនិយោគក្នុងផលិតកម្មថាមពលជាតិ។ នេះបើតាមការលើកឡើងរបស់ទីភ្នាក់ងារព័ត៌មានអេមី រ៉ាត់អារ៉ាប់រួមWAM ។
ការដកខ្លួនថយគួរឲ្យភ្ញាក់ផ្អើលនោះ របស់អេមីរ៉ាត់អារ៉ាប់រួមជាសមាជិក OPEC តាំងពីឆ្នាំ១៩៦៧មក ក្រោយបង្កើតអង្គការនេះ កាលពីឆ្នាំ១៩៦០ នឹងអាចបណ្ដាលឲ្យមានភាពរប៉ាត់រប៉ាយ និងការចុះខ្សោយរបស់OPEC ។
រដ្ឋមន្ត្រីថាមពលអេមីរ៉ាត់អារ៉ាប់រួម លោកស៊ូហាអ៊ីល ម៉ូហាមេដអាល់មូសរូអី ថ្លែងប្រាប់រ៉យទ័រថា សេចក្ដីសម្រេចចិត្តនេះ ត្រូវបានធ្វើ បន្ទាប់ពីការពិនិត្យដោយល្អិតល្អន់ បណ្ដាយុទ្ធសាស្ត្រថាមពលរបស់ប្រទេស ៕
ចែករំលែកព័តមាននេះ