សង្គ្រាមអ៉ីរ៉ង់ ៖ រដ្ឋមន្ត្រីការបរទេសអ៉ីរ៉ង់ លោកអាប់បាស់អារ៉ាសជី ពេលនេះកំពុងតែធ្វើសកម្មភាពការទូតដ៏មមារញឹក ដោយលោកធ្វើដំណើរទៅកាន់ប៉ាគីស្ថាន អូម៉ង់ និងរុស្ស៊ី ។ លោកបានចាកចេញពីក្រុងអ៉ីស្លាម៉ាបាដ…
សង្គ្រាមអ៉ីរ៉ង់ ៖ រដ្ឋមន្ត្រីការបរទេសអ៉ីរ៉ង់ លោកអាប់បាស់អារ៉ាសជី ពេលនេះកំពុងតែធ្វើសកម្មភាពការទូតដ៏មមារញឹក ដោយលោកធ្វើដំណើរទៅកាន់ប៉ាគីស្ថាន អូម៉ង់ និងរុស្ស៊ី ។ លោកបានចាកចេញពីក្រុងអ៉ីស្លាម៉ាបាដ ទៅកាន់ក្រុងមូស្គូនាថ្ងៃទី២៦ មេសា ចំណែកបណ្ដាអាជ្ញាកណ្ដាលនៃជម្លោះនៅមជ្ឈឹបូព៌ាបន្តខិតខំរក្សាជំហរស្វែងរកសន្តិភាព ទោះបីប្រធានាធិបតីអាមេរិក លោកដូណាល់ត្រាំលុបចោលការធ្វើដំណើររបស់គណៈប្រតិភូអាមេរិកមកកាន់ក្រុងអ៉ីស្លាម៉ាបាដក្ដី ។
តាមទីភ្នាក់ងារព័ត៌មានអ៉ីរ៉ង់់ISNAថា លោកអាប់បាស់អារ៉ាសជី បានបញ្ជូនដល់អាជ្ញាកណ្ដាលប៉ាគីស្ថាននូវជំហរ និងបណ្ដាចំណុចដែលអ៉ីរ៉ង់ចង់បាន ក្នុងក្របខណ្ឌនៃកិច្ចព្រមព្រៀង សំដៅបញ្ចប់សង្គ្រាមទាំងស្រុង ។ ចំណែកទីភ្នាក់ងារព័ត៌មានអ៉ីរ៉ង់FARS គូសបញ្ជាក់ថា អ៉ីរ៉ង់បានបញ្ជូនសារជាលាយលក្ខអក្សរ ដល់ក្រុងវ៉ាស៊ីនតោនតាមរយៈប៉ាគីស្ថាន ស្ដីពីបណ្ដាបន្ទាត់ក្រហមរបស់អ៉ីរ៉ង់ ទាក់ទិននឹងកម្មវិធីនុយក្លេអ៊ែររបស់ខ្លួន និងច្រកសមុទ្រហ័រមូស ដែលពេលនេះ កំពុងមានការរាំងខ្ទប់២ត្រួតរបស់អ៉ីរ៉ង់ផងនិងរបស់អាមេរិកផង។
មកដល់ទីក្រុងអ៉ីស្លាម៉បាដនាយប់ថ្ងៃទី២៤ មេសា រដ្ឋមន្ត្រីការបរទេសអ៉ីរ៉ង់បានជួបពិភាក្សាជាមួយប្រមុខកងទ័ពប៉ាគីស្ថាន ឧត្ដមសេនីយអាស៊ីមមុយនៀរ និងនាយករដ្ឋមន្ត្រីប្រទេសនោះ លោកសេបាសសារីហ្វ មុនពេលទៅកាន់អូម៉ង់ កន្លែងដែលលោកពិភាក្សាជាមួយព្រះចៅស៊ុលតង់ហៃថាមបេនតារិក។ លោកក៏បាននិយាយតាមទូរស័ព្ទដែរជាមួយសមភាគីតួកគីលោកហាកានហ្វីដាន។
កាលពីថ្ងៃទី២៥ មេសា ប្រធានាធិបតីអាមេរិក លោកដូណាល់ត្រាំ បានលុបចោលការធ្វើដំណើរទៅកាន់ប៉ាគីស្ថានរបស់គណៈប្រតិភូចរចាអាមេរិក ដែមានកូនប្រសារលោក និងបេសកជនពិសេសរបស់លោក ។ ប្រធានាបតីអាមេរិកលើកឡើងថា យើងនឹងមិនទៅចរចាដោយផ្ទាល់ទេ។ យើងមានគ្រប់សន្លឹកបៀក្នុងដៃ។ ប្រសិនបើពួកគេចង់ចរចាត្រូវមករកយើង ឬក៏ហៅរកយើង ព្រោះយើងមានខ្សែទូរស័ព្ទដែលប្រកបដោយសន្តិសុខស្រាប់ ៕
ចែករំលែកព័តមាននេះ