សង្គ្រាមអ៉ីរ៉ង់ ៖ តើអ្វីទៅដែលហៅថា កងនាវាមូសសមុទ្ររបស់អ៉ីរ៉ង់ ដែលវាយប្រហារសាហាវ និងពិបាកកមេ្ទច? នោះជាសមាសភាពរបស់កងម៉ារីនអ៉ីរ៉ង់ដែលចែកចេញជាកងឯកភាពតូចៗ ចល័តដ៏រហ័ស និងប្រដាប់ដោយអាវុធទំនើបៗ ដែលមានសកម្មភាពប្រៀងដូចសត្វមូស។…
សង្គ្រាមអ៉ីរ៉ង់ ៖ តើអ្វីទៅដែលហៅថា កងនាវាមូសសមុទ្ររបស់អ៉ីរ៉ង់ ដែលវាយប្រហារសាហាវ និងពិបាកកមេ្ទច? នោះជាសមាសភាពរបស់កងម៉ារីនអ៉ីរ៉ង់ដែលចែកចេញជាកងឯកភាពតូចៗ ចល័តដ៏រហ័ស និងប្រដាប់ដោយអាវុធទំនើបៗ ដែលមានសកម្មភាពប្រៀងដូចសត្វមូស។ នាវាលឿនតូចៗទាំងនេះអាចបង្កការបំផ្លាញធំធេង ហើយសត្រូវពិបាកតាមវាយប្រហារ ដោយវាក៏អាចលាក់ខ្លួននិងគេចបានរហ័សទៀតផង ។
ក្នុងច្រកសមុទ្រហ័រមូសសម្បូរដោយកងនាវាមូសនោះ ដែលជាសមាសភាពមួយសំខាន់របស់កងឆ្មាំបដិវត្តន៍អ៉ីរ៉ង់។ បណ្ដានាវាចម្បាំងអ៉ីរ៉ង់ត្រូវបានបំផ្លាញដោយការវាយប្រហាររបស់អ៉ីស្រាអែលនិងអាមេរិក តាំងពីចាប់ផ្ដើមសង្គ្រាមពីថ្ងៃទី២៨ កុម្ភៈ មក។ ក៏ប៉ុន្តែងអ៉ីរ៉ង់នៅសល់នាវាតូចៗមានល្បឿនលឿនប្រដាប់ដោយអាវុធទំនើបៗច្រើនរយអាចដល់ច្រើនពាន់គ្រឿង។ នាវាតូចៗរត់លឿននោះមានដូចជានាវាប្រដេញ(VEDETES) នាវាល្បាត កាណូតកៅស៊ូនិងនាវាដ្រូនដែលអាចរត់លើដីនិងក្នុងទឹក។
នាវាទាំងនោះ ពិតជាមានល្បឿនលឿន គេចរហ័សនិងបំពាក់ដោយរ៉ុក្កែត មីស៊ីលប្រឆាំងនាវា គ្រាប់បែកបុកនិងដ្រូនវាយប្រហារ។ នាវាតូចៗទាំងនោះក្នុងការប្រើវាយប្រហារ ពិតជាមានប្រសិទ្ធភាពខ្ពស់សមស្របអាចបង្កការបំផ្លាញធ្ងន់ធ្ងរ ពេលវាយប្រហារលើនាវាធំៗ ។
មានរហ័សនាមថាកងនាវាមូស នាវាទាំងនេះដែលភាគច្រើនមានប្រវែងពី១០ទៅ២៥ម៉ែត្រ គេពិបាកក្នុងការវាយប្រហារ ហើយបើវាយប្រហារលើគេវិញពិតជាមានប្រសិទ្ធភាពខ្ពស់។ តាមអ្នកឯកទេសខាងយោធាថា កងនាវាមូសនេះពិតជាជំនាញខ្លាំងខាងវាយប្រហារតាក់ទិក ។
ការប្រើកងនាវានោះ មិនមែនជាលើកទីមួយទេក្នុងតំបន់។ កាលពីឆ្នាំ២០០០ការវាយប្រហារនាវាពិឃាតអាមេរិកUSS COLE នៅក្រុងអាដេនយេម៉ែនដោយនាវាផ្ទុកគ្រឿងផ្ទុះមួយ បណ្ដាលឲ្យកងទាហានម៉ារីនអាមេរិកស្លាប់១៧នាក់។ បច្ចុប្បន្ននេះកងនាវានោះអាចកាត់បន្ថយឬបញ្ឈប់ការធ្វើចរាចរណ៍តាមសមុទ្រនៅច្រកសមុទ្រហ័រមូស ៕
ចែករំលែកព័តមាននេះ