ប្រទេសអ៉ីរ៉ង់ ៖ បុរសម្នាក់ដែលត្រូវកាត់ទោសប្រហារជីវិតពីបទរួមសហការជាមួយពួកភ្នាក់ងារសម្ងាត់អ៉ីស្រាអែល ក្នុងឱកាសនៃបាតុកម្មធំៗនៅអ៉ីរ៉ង់ កាលពីខែមករា បានត្រូវប្រហារជីវិតកាលពីថ្ងៃទី២៥ មេសា ។ នេះបើតាមសេចក្ដីប្រកាសរបស់រដ្ឋអំណាចតុលាការអ៉ីរ៉ង់។ ការប្រហារជីវិតពួកអ្នកទោសមានការកើនឡើងក្នុងប្រទេសនេះ…
ប្រទេសអ៉ីរ៉ង់ ៖ បុរសម្នាក់ដែលត្រូវកាត់ទោសប្រហារជីវិតពីបទរួមសហការជាមួយពួកភ្នាក់ងារសម្ងាត់អ៉ីស្រាអែល ក្នុងឱកាសនៃបាតុកម្មធំៗនៅអ៉ីរ៉ង់ កាលពីខែមករា បានត្រូវប្រហារជីវិតកាលពីថ្ងៃទី២៥ មេសា ។ នេះបើតាមសេចក្ដីប្រកាសរបស់រដ្ឋអំណាចតុលាការអ៉ីរ៉ង់។
ការប្រហារជីវិតពួកអ្នកទោសមានការកើនឡើងក្នុងប្រទេសនេះ តាំងពីចាប់ផ្ដើមសង្គ្រាមរបស់អាមេរិក និងអ៉ីស្រាអែលប្រឆាំងអ៉ីរ៉ង់ពីថ្ងៃទី២៨ កុម្ភៈ មក ។ ក្នុងសេចក្ដីប្រកាសនោះ រដ្ឋអំណាចតុលាការអ៉ីរ៉ង់គូសបញ្ជាក់ថា ជនឈ្មោះអ័រហ្វានគីយ៉ានីត្រូវប្រហារជីវិតដោយព្យួរក ក្រោយការសម្រេចរបស់តុលាការកំពូល ។
តុលាការកាត់ទោសប្រហារជីវិតជននេះ ដែលជាអ្នកប្រឆាំងសំខាន់ម្នាក់ ពីបទចូលរួមដៃក្នុងបេសកកម្ម ប្រគល់ឲ្យដោយភ្នាក់ងារសម្ងាត់អ៉ីស្រាអែលMOUSSAD ក្នុងឱកាសនៃបាតុកម្មដែលនាំឲ្យរង្គើរក្នុងខេត្តអ៉ីស្ប៉ាហាន់ភាគកណ្ដាលប្រទេស ។ រូបគេជាប់ចោទពីបទចូលរួមក្នុងការបំផ្លាញទ្រព្យសម្បត្តិសាធារណៈនិងឯកជន ដើរដុតបំផ្លាញ ប្រើប្រាស់ដាវនិងដបសាំងដុត និងបិទខ្ទប់ផ្លូវថ្នល់
នានានាំឲ្យស្ទះចរាចរណ៍ វាយប្រហារលើបណ្ដាភ្នាក់សន្តិសុខ និងដើរបំភ័យប្រជាជន ។
អ៉ីរ៉ង់ជាប្រទេសមួយដែលប្រើការកាត់ទោសប្រហារជិវិតច្រើនបំផុតបន្ទាប់ពីចិន។ ការប្រហារជីវិតបុរសនោះនាំឲ្យចំនួនអ្នកទោសត្រូវប្រហារជីវិតនៅអ៉ីរ៉ង់ កើនដល់៩នាក់ហើយតាំងពីទី១៩ មីនាមក ទាក់ទិននឹងបាតុកម្មកាលពីខែមករា ៕
ចែករំលែកព័តមាននេះ