រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រីកម្ពុជា បានណែនាំឱ្យរដ្ឋមន្ដ្រីក្រសួងយុត្ដិធម៌ អគ្គស្នងការនគរបាលជាតិ និងអគ្គមេបញ្ជាការកងយោធពលខេមរភូមិន្ទ សិក្សាផ្លូវច្បាប់ឱ្យបានលឿន…
រាជធានីភ្នំពេញ ៖ សម្ដេចធិបតី ហ៊ុន ម៉ាណែត នាយករដ្ឋមន្ដ្រីកម្ពុជា បានណែនាំឱ្យរដ្ឋមន្ដ្រីក្រសួងយុត្ដិធម៌ អគ្គស្នងការនគរបាលជាតិ និងអគ្គមេបញ្ជាការកងយោធពលខេមរភូមិន្ទ សិក្សាផ្លូវច្បាប់ឱ្យបានលឿន ក្នុងការយកក្មេងទំនើ.ងដែលអុកឡុកសង្គមទៅបម្រើដល់សកម្មភាពក្នុងសមរភូមិជួរមុខ ទៅតាមកម្រិតទម្ងន់ទោស ចាប់ពី៣ខែ ឬ៦ខែ ដូចជា ការងារចាក់ពុម្ពលេណដ្ឋានជាដើម ។
ការណែនាំរបស់សម្ដេចធិបតី នាយករដ្ឋមន្ដ្រីបែបនេះក្នុងឱកាសជួបសំណេះសំណាលជាមួយសហជីព សេដ្ឋកិច្ចក្រៅប្រព័ន្ធ និងសមាគមបុគ្គលិកសិក្សា ដើម្បីអបអរសាទរខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា ឆ្នាំ២០២៦ នៅមណ្ឌលសន្និបាត និងពិព័រណ៍កោះពេជ្រ នាព្រឹកថ្ងៃទី២៦ ខែមេសា ឆ្នាំ២០២៦។
សម្ដេចធិបតី នាយករដ្ឋមន្ត្រីបានមាន ប្រសាសន៍ស្នើឱ្យរដ្ឋមន្ដ្រីក្រសួងយុត្ដិធម៌ ឯកឧត្ដមអគ្គស្នងការនគរបាលជាតិ ជាមួយឯកឧត្ដមអគ្គមេបញ្ជាការកងទ័ព រៀបចំជាក់ស្ដែងតាមទម្ងន់ទោស ដាក់ទោស៣ខែ ឬ៦ខែ ចំពោះក្មេងទំនើ.ង ដោយយកទៅព្រំដែនចាក់ពុម្ពលេណដ្ឋាន ដើម្បីដឹកជញ្ជូនយកទៅសមរភូមិមុខ ដើម្បីកុំឱ្យពិបាក និងឱ្យក្មេងទំនើ.ងទាំងនោះដឹងថា តើកងទ័ព យុវជនដូចគ្នា កំពុងតែឈរជើងតាមព្រំដែនប្រឈមនឹងការគ្រោះថ្នាក់ ឬស្លា.ប់ដោយសារតែការងារនៅសមរភូមិមុខ ។
សម្ដេចធិបតីបានលើកឡើងថា ការធ្វើដូចនេះ ដើម្បីឱ្យក្មេងទំនើងទាំងនោះបានដឹងថា នៅពេលដែលពួកយើងមានឱកាសមានសេរីភាព ហើយមកដើរធ្វើសកម្មភាពរញ៉េរញ៉ៃ និងកាប់ចាក់បំផ្លាញដល់ប្រទេសជាតិនោះ ។ សម្ដេចធិបតីនាយករដ្ឋមន្ដ្រី បានបញ្ជាក់យ៉ាងដូច្នេះថា ៖ «ខ្ញុំចង់ឱ្យឯកឧត្ដម កើត រិទ្ធ ឯកឧត្ដម ស ថេត ឯកឧត្ដម វង្ស ពិសេន សិក្សាផ្លូវច្បាប់ឱ្យខ្ញុំបន្ដិច ។ ក្មេងៗទំនើង ឥឡូវយើងចាប់ដាក់គុកអស់តែបាយ ហើយចេញមកវិញខ្លះកែ ខ្លះមិនកែ ។ មិនចាំបាច់រុញទៅដល់ជួរមុខទេ ឱ្យគិតគូរពីការអប់រំកម្រិតណា ដើម្បីឱ្យភ្ជាប់ដល់ការបម្រើដល់សមរភូមិមុខ មិនបាច់យកទៅកាន់កាំភ្លើងបាញ់នោះទេ យកទៅចាក់ពុម្ពលេណដ្ឋាន ជួយដល់កងវិស្វកម្ម» ។
ជាមួយគ្នានេះដែរ សម្ដេចធិបតីនាយករដ្ឋមន្ដ្រីក៏បានសង្កត់ធ្ងន់ផងដែរថា៖ «ឥឡូវនេះ យើងពិនិត្យមើលក្នុងពេលអប់រំ ពេលដែលធ្វើខុស ត្រូវអនុវត្តន៍ច្បាប់ ហើយក្នុងពេលអប់រំនេះ ជាជាងដាក់នៅក្នុងពន្ធធនាគារអត់ធ្វើអ្វី ត្រូវគិតមើលនៅក្នុងការអប់រំពិសេសរបស់នគរបាល នៅកន្លែងណាមួយ ដើម្បីធ្វើការងារសម្រាប់បម្រើឱ្យសមរភូមិមុខ» ៕
ចែករំលែកព័តមាននេះ