គណៈកម្មការរៀបចំកីឡា​ Special ​អូឡាំ​ពិក​បានប្រកាស​កាលពីថ្ងៃពុធ ​ទី២៨ កក្កដាថា​៖ ក្រុមតារាចម្រៀងកូរ៉េ ​Wonder Girls​ នឹងត្រូវ​បាន​​តែងតាំងជា​ឯកអគ្គរដ្ឋទូត​កិត្តិយស​​សម្រាប់​​​ការ​ប្រកួត​​កីឡា​ ​Special ​អូឡាំពិក​ឆ្នាំ២០១៣។​ ក្រុមតារា​ចម្រៀងកូរ៉េ​ Wonder Girls​ បាន​និយាយថា​៖ ​ពួកគេបាន​ទទួលលិខិត​​អញ្ជើញ​ពី​ក្រុម​ប្រឹក្សា​គ្រប់គ្រង​កីឡា ​Special Olympic​ រួច​រាល់​​ហើយ​​ដែលក្នុង​ខ្លឹមសារលិខិត​​នោះ​បាន​បញ្ជាក់​ថា ៖ ​​ក្រុម​ប្រឹក្សា​​គ្រប់​គ្រង​កីឡា​​ក្រុម​តារា​ចម្រៀង​ដ៏មានប្រជាប្រិយ​ភាព​នេះជួយ​ផ្សព្វ​ផ្សាយ​កីឡា​ Special ​អូឡាំ​ពិក​​ឆ្នាំ២០១៣ ​បន្ទាប់​ពីពួក​គេមាន​បទ​​ពិសោធន៍​​ធ្លាប់​​បាន​ចូល​រួម​​សម្តែង​ក្នុងពិធីបិទ​ការប្រកួតកីឡា ​Special ​Olympic ​2011 ​នៅទីក្រុងអាថែន ​ប្រទេស​ក្រិច​ កាលពីថ្ងៃទី៤​ កក្កដា​ កន្លងទៅនេះ​។ ក្នុងឋានៈ​ជា​ឯកអគ្គរដ្ឋទូត​កិត្តិយស​សម្រាប់​​ក្រុម​តារា​ចម្រៀង​កូរ៉េ Wonder Girls ​ត្រូវបានគេរំពឹងថា ​អាចនឹង​​ទាក់ទាញ​ទស្សនិក​ជន​ទូទាំង​​ពិភពលោក​​ក្នុង​អំឡុងពេល​ប្រកួតកីឡា​ Special Olympic ​ឆ្នាំ២០១៣ ​ខាង​មុខ​នេះ។

គួររំលឹកដែរថា៖​ កីឡាប្រភេទនេះ​ត្រូវបាន​បង្កើត​ឡើងដោយលោក ​Eunice Kennedy Shriver ​ជាសមាជិកក្រុម​គ្រួសាររបស់លោក​ Kennedy ​ដែលបានស្លាប់កាល​​ពីឆ្នាំ២០០៩​។ នៅ​ក្នុង​​ការ​ប្រកួត​នេះ​ ទីក្រុង ​Pyeongchang ​នឹង​​ត្រូវ​បាន​ជ្រើស​​រើស​ធ្វើជា​ម្ចាស់​ផ្ទះ​​​ជា​លើក​ដំបូង​ដែល​ជាការប្រកួតថ្នាក់​​ពិភព​លោក​​សម្រាប់​កីឡាករ​ខ្សោយ​បញ្ញា ​ហើយ​ទីក្រុង​នេះ​ក៏ត្រូវទទួល​​បាន​សិទ្ធិ​ធ្វើម្ចាស់​ផ្ទះការ​ប្រកួត​អូឡាំ​ពិក​រដូវរងាឆ្នាំ២០១៨ ​ផង​ដែរ។​ នៅក្នុង​ការ​ប្រកួត​កីឡា ​Special Olympics ​ឆ្នាំ​២០១៣ ​នេះមាន​អត្តពលិក​ច្រើនជាង​២.០០០​នាក់មកពី​១០៥ប្រទេសចូលរួម៕