អាជ្ញាធរកំពង់ផែអ៊ីតាលីរាយការណ៍ថា កងឆ្មាំឆ្នេរសមុទ្រអ៊ីតាលីបានរកឃើញកាលពីថ្ងៃទី១ សីហា នូវសាកសពមនុស្ស២៥នាក់លើនាវាមួយគ្រឿងរបស់ពួកអន្តោប្រវេសន៍ពេលនាវានោះមកដល់កោះ LAMPEDUSA របស់អ៊ីតាលី។ ក្នុងនាវានេះក៏មានមនុស្សនៅរស់២៧១នាក់ ដែលប្រជ្រៀតគ្នាក្នុងនោះមាននារី៣៦នាក់ និងកុមារ២១នាក់
អាជ្ញាធរកំពង់ផែអ៊ីតាលីរាយការណ៍ថា កងឆ្មាំឆ្នេរសមុទ្រអ៊ីតាលីបានរកឃើញកាលពីថ្ងៃទី១ សីហា នូវសាកសពមនុស្ស២៥នាក់លើនាវាមួយគ្រឿងរបស់ពួកអន្តោប្រវេសន៍ពេលនាវានោះមកដល់កោះ LAMPEDUSA របស់អ៊ីតាលី។
ក្នុងនាវានេះក៏មានមនុស្សនៅរស់២៧១នាក់ ដែលប្រជ្រៀតគ្នាក្នុងនោះមាននារី៣៦នាក់ និងកុមារ២១នាក់ ។ ក្នុងគ្រាដំបូងកងឆ្មាំឆ្នេរសមុទ្ររាយការណ៍ពីអ្នកដំណើរនៅរស់២៦៨នាក់។ ក្នុងពេលភ្លាមៗគេពុំទាន់អាចបញ្ជាក់ច្បាស់ពីមូលហេតុ ដែលមនុស្សទាំង២៥នាក់នេះត្រូវស្លាប់ឡើយ ដោយពួកគេសុទ្ធតែជាមនុស្សនៅវ័យក្មេង។
មនុស្សជាច្រើនពាន់នាក់បានរត់ភៀសខ្លួនចេញពីលីប៊ីភាគច្រើនជាពលករអន្តោប្រវេសន៍មកពីអាហ្វ្រិកបានទៅដល់កោះ LAMPED-USA រយៈពេលប៉ុន្មានសប្តាហ៍ចុងក្រោយនេះ។ ក្នុងចំណោមអ្នកទាំងនេះជាច្រើនរយនាក់ត្រូវលង់ទឹកស្លាប់។ បណ្តានាវាដែលប្រើប្រាស់ដោយពួកអន្តោប្រវេសន៍ភាគច្រើនជានាវាចាស់ទ្រុឌទ្រោម។ គេត្រូវប្រើពេលប្រមាណជា២ថ្ងៃដើម្បីធ្វើដំណើរពីអាហ្វ្រិកខាងជើងមកកាន់កោះ LAMPEDUSA ៕
ចែករំលែកព័តមាននេះ