សម្តេចសង្ឃ នន្ទ ង៉ែត មានព្រះជនគម្រប់១០២ព្រះវស្សា
សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះមហាសង្ឃរាជ នៃកម្ពុជាបានមានព្រះជនគម្រប់១០២ព្រះវស្សា ។ នៅថ្ងៃទី២៥ ខែមេសា ឆ្នាំ២០២៦…
សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះមហាសង្ឃរាជ នៃកម្ពុជាបានមានព្រះជនគម្រប់១០២ព្រះវស្សា ។
នៅថ្ងៃទី២៥ ខែមេសា ឆ្នាំ២០២៦ ត្រូវបានគេដឹងថា ជាថ្ងៃដែលទ្រង់មានព្រះជន្មគម្រប់១០២ ព្រះវស្សា ហើយនៅព្រឹកថ្ងៃទី២៤ ខែឆ្នាំដដែល នៅមហាកុដិ វត្តបទុមវតីរាជវរារាម រាជធានីភ្នំពេញ នាព្រឹកថ្ងៃទី២៤ ខែមេសា ឆ្នាំ២០២៦ សម្តេចធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី និងមន្ត្រីសង្ឃក៏ដូចជា រដ្ឋាភិបាលបានអញ្ជើញចូលរួមព្រះរាជពិធីបុណ្យចម្រើនព្រះជន្មវស្សាថ្វាយទ្រង់ ។
សម្តេចព្រះមហាសង្ឃរាជ ទ្រង់ប្រសូតនៅថ្ងៃសុក្រ ៦រោច ខែចេត្រ ឆ្នាំជូត ឆស័កព.ស. ២៤៦៧ ត្រូវនឹងថ្ងៃទី២៥ ខែមេសា ឆ្នាំ១៩២៤ នៅភូមិត្រពាំងវែង ឃុំលំចង់ ស្រុកសំរោង ខេត្តតាកែវ ក្នុងត្រកូលកសិករ ។ ទ្រង់ជាបុត្រទី២ របស់ឧបាសក នន្ទ នុត និងឧបាសិកា ម៉ឹង យឹម ។
សម្តេចព្រះមហាសង្ឃរាជបាន សិក្សារៀនសូត្រធម៌វិន័យ សម្រាប់បួសនៅវត្តពោធិ៍ ឃុំពោធិ៍អង្ក្រង ស្រុកគងពិសី ខេត្តកំពង់ស្ពឺ តាំងពីព្រះជន្ម១៧ឆ្នាំ លុះដល់ព្រះជន្ម១៩ឆ្នាំ ទ្រង់បានចូលបួសជាសាមណេរ ហើយបន្តរហូតសម័យកម្ពុជាប្រជាធិបតេយ្យ ៣ឆ្នាំ៨ខែ ២០ថ្ងៃ ក៏ត្រូវបង្ខំឲ្យសឹករហូតដល់ត្រូវរំដោះហើយក៏បានសាងផ្នួសឡើងវិញ ។
សម្តេចព្រះមហាសង្ឃរាជ បានសាងផ្នួសជាថ្មីនៅថ្ងៃទី១៩ ខែកញ្ញា ឆ្នាំ១៩៧៩ ជាឧបសម្បទាបេក្ខៈ១រូប ក្នុងចំណោម៧រូប រហូតដល់សព្វថ្ងៃ ៕
ចែករំលែកព័តមាននេះ