កីឡាករអាហ្សង់ទីនម៉ាកូស មេដាណា (ធ្លាប់ប្រកួតឈ្នះ៣០លើក ចាញ់២ ផ្តួលដៃគូឲ្យសន្លប់២៧លើក)នឹងជួបប្រកួតជាមួយកីឡាករអាមេរិករ៉ូបឺត ហ្គើរេរ៉ូ (ធ្លាប់ប្រកួតឈ្នះ២៩លើក ចាញ់១ ស្មើ១ ផ្តួលដៃគូឲ្យសន្លប់១៨លើក) នៅថ្ងៃទី១៧ សីហា ខាងមុខនៅសង្វៀនHP Pavilion ស្ថិតក្នុងទីក្រុងសាន់ចូស រដ្ឋកាលីហ្វ័រនីញ៉ា សហរដ្ឋអាមេរិក។
កីឡាករអាហ្សង់ទីនម៉ាកូស មេដាណា (ធ្លាប់ប្រកួតឈ្នះ៣០លើក ចាញ់២ ផ្តួលដៃគូឲ្យសន្លប់២៧លើក)នឹងជួបប្រកួតជាមួយកីឡាករអាមេរិករ៉ូបឺត ហ្គើរេរ៉ូ (ធ្លាប់ប្រកួតឈ្នះ២៩លើក ចាញ់១ ស្មើ១ ផ្តួលដៃគូឲ្យសន្លប់១៨លើក) នៅថ្ងៃទី១៧ សីហា ខាងមុខនៅសង្វៀនHP Pavilion ស្ថិតក្នុងទីក្រុងសាន់ចូស រដ្ឋកាលីហ្វ័រនីញ៉ា សហរដ្ឋអាមេរិក។
រវាងកីឡាករទាំងពីរអ្នកដែលឈ្នះការប្រកួតលើកនេះ នឹងទទួលបានសិទ្ធិទៅវាយដណ្តើមខ្សែក្រវាត់ស្ថាប័ន WBA ពីកីឡាករអង់គ្លេសអាមៀ ខាន់ដែលកំពុងស្ថិតនៅលំដាប់លើគេក្នុងនាមជាម្ចាស់ខ្សែក្រវាត់ពិភពលោក«Super World» light welterweight ។ ទោះជាយ៉ាងណាក៏ដោយនៅចំពោះមុខមេដាណាក៏ដូចជាហ្គើរេរ៉ូ នៅមានការប្រកួតដ៏តានតឹងមួយជំហានទៀត មុននឹងឈានទៅជួបជាមួយអាមៀ ខាន់។ ជាក់ស្តែងគេត្រូវតែជួបជាមួយអ្នកឈ្នះរវាងកីឡាករប្រឌីស ប្រេស្កុតនិងផូល ម៉ាក់ខូស្គីក្នុងខែកញ្ញាជាមុនសិន។
មេដាណាអាយុ២៨ឆ្នាំ ក្នុងពេលថ្មីៗនេះបានយកឈ្នះកីឡាករអេរីក ម៉ូរ៉ាល់ដោយពិន្ទុជាឯកច្ឆន្ទនៃការប្រកួត១២ទឹក។ ជ័យជម្នះកាលពីខែមេសានោះគឺជាការស្តារមុខមាត់របស់ខ្លួនឡើងវិញបន្ទាប់ពីបានចាញ់ក្រោមកណ្តាប់ដៃអាមៀ ខាន់កាលពីប្រកួតក្នុងខែធ្នូឆ្នាំកន្លងមក។ ការបរាជ័យនាពេលនោះវាបានធ្វើឲ្យប៉ះពាល់យ៉ាងខ្លាំងដល់អាជីពរបស់មេដាណា នោះក៏ព្រោះតែមេដាណាត្រូវរៀបចំខ្លួនដើម្បីជួបប្រកួតជាមួយហ្វ្លយ មេវេដឌ័រ។
កាលពីប្រកួតជាមួយកីឡាករម៉ូរ៉ាល់ កម្លាំងស៊ុសរបស់មេដាណាហាក់ធ្វើឲ្យគេមានបញ្ហាខ្លះៗជាពិសេសនៅអំឡុងពាក់កណ្តាលការប្រកួត។ កម្លាំងរបស់គេបានចុះថមថយនៅពេលដែលម៉ូរ៉ាល់វាយគេឲ្យដួល។ សម្រាប់កីឡាករហ្គើរេរ៉ូវិញគេកំពុងតែលេងល្បែងមួយដោយការហាត់ដំឡើងទម្ងន់ខ្លួនពីទម្ងន់ដើម(ទម្ងន់ស្រាល)ទៅកាន់ទម្ងន់មធ្យមLight Welterweight។ បើទោះជារូបគេស្ថិតនៅក្នុងវ័យ២៨ឆ្នាំ ក៏ដោយ ប៉ុន្តែវាជាការប្រថុយប្រថានមួយ ដែលត្រូវដំឡើងទម្ងន់ខ្លួនជួបជាមួយអ្នកប្រើកណ្តាប់ដៃមេដាណា។ នេះគឺជាលើកទី១ ដែលហ្គើរេរ៉ូប្រកួតក្នុងប្រភេទទម្ងន់Light Welterweight។
កីឡាករហ្គើរេរ៉ូនិងក្រុមអ្នករៀបចំការប្រកួតរបស់គេជឿថា មេដាណាងាយនឹងបំបាក់។ ប៉ុន្តែពួកគេអាចនឹងសោកស្តាយប្រសិនជាមេដាណាអាចដាក់សម្ពាធលើហ្គើរេរ៉ូនៅចុងទឹកដូចកាលដែលកីឡាករអ័រលែនដូ សាលីដូធ្វើមកលើហ្គើរេរ៉ូនៅឆ្នាំ២០០៦ ៕
ចែករំលែកព័តមាននេះ