ក្រសួងធនធានទឹក និងឧតុនិយមបានចេញសេចក្តីជូនដំណឹង កាលពីថ្ងៃទី២២ ខែមេសា ឆ្នាំ២០២៦ថា ស្ថានភាពអាកាសធាតុនៅកម្ពុជាមិនសូវប្រែប្រួលខ្លាំងទេ ប៉ុន្តែសូមប្រុងប្រយ័ត្នពីព្រោះរដូវវស្សាឆ្នាំនេះ ផ្គរ រន្ទះ និងខ្យល់កន្ត្រាក់ច្រើន…
ក្រសួងធនធានទឹក និងឧតុនិយមបានចេញសេចក្តីជូនដំណឹង កាលពីថ្ងៃទី២២ ខែមេសា ឆ្នាំ២០២៦ថា ស្ថានភាពអាកាសធាតុនៅកម្ពុជាមិនសូវប្រែប្រួលខ្លាំងទេ ប៉ុន្តែសូមប្រុងប្រយ័ត្នពីព្រោះរដូវវស្សាឆ្នាំនេះ ផ្គរ រន្ទះ និងខ្យល់កន្ត្រាក់ច្រើន ហើយអាចប្រឈមនឹងកូនរដូវប្រាំងនៅខែសីហា ។
ប្រភពដដែលបានបន្តថា អាជ្ញាធរដែនដី និងពលរដ្ឋសូមយកចិត្តទុកដាក់ និងប្រុងប្រយ័ត្នខ្ពស់ពីព្រោះរដូវវស្សាឆ្នាំនេះ ផ្គរ រន្ទះ និងខ្យល់កន្ត្រាក់ច្រើន ហើយអាចប្រឈមនឹងកូនរដូវប្រាំងពីសប្តាហ៍ទី២ ដល់ទី៣ នៃខែសីហា ប៉ុន្តែទោះជាយ៉ាងណារបាយការណ៍ទឹកភ្លៀងរាយប៉ាយបានល្អប្រហាក់ប្រហែលនឹងឆ្នាំ២០២៥ ។
ប្រភពដដែលបន្តថា រដូវវស្សាអាចនឹងចាប់ផ្តើមពីសប្តាហ៍ទី១ នៃខែឧសភាតទៅ ពោល គឺលឿនជាងឆ្នាំ២០២៥ ហើយសីតុណ្ហភាពជារួម គឺរង្វង់ពី២៥ ទៅ៣៦អង្សាសេប៉ុណ្ណោះ ពោល គឺទាបជាងសីតុណ្ហភាពមធ្យមភាគច្រើនឆ្នាំ។
ស្ថានភាពទាំងនេះ គឺបង្កឡើងដោយសារតែបាតុភូតធំៗ៣ គឺបាតុភូតអែនសូ អព្យាក្រឹត្យ នៅបន្តកើតមានឡើងក្នុងកម្រិត៨០ភាគរយ ដល់ខែមិថុនា និងថយចុះមកត្រឹម៤០ភាគរយ នៅខែកក្កដា ។ ហើយចាប់ពីខែសីហា រហូតដល់ខែធ្នូ គឺអាចមានបាតុភូតអែលនីណូ ដែលអាចមានរហូតដល់៩០ភាគរយ ។ រីឯបាតុភូតអាយអូឌី ដែលស្ថិតនៅមហាសមុទ្រឥណ្ឌាក៏នៅមានស្ថានភាពអព្យាក្រិត្យរហូតដល់ខែតុលា ៕
ចែករំលែកព័តមាននេះ