លៀម តានខក់បានធ្វើឲ្យអង់គ្លេសរកបានមេដាយមាសលើកទី៣នៅក្នុងការប្រកួតជ្រើសរើសជើងឯកកីឡាហែលទឹកនៅចិនWorld Championshipsកាលពីថ្ងៃអាទិត្យ ទី៣១ កក្កដា នៅក្រុងសៀងហៃប្រទេសចិនបន្ទាប់ពីរូបគេយកឈ្នះហែលផ្ងារចម្ងាយ៥០ម៉ែត្រ។ តានខក់បានយកឈ្នះមេដាយមាសបន្ទាប់ពីបានប្រើអស់ថិរវេលាតិចជាងគេបំផុត
លៀម តានខក់បានធ្វើឲ្យអង់គ្លេសរកបានមេដាយមាសលើកទី៣នៅក្នុងការប្រកួតជ្រើសរើសជើងឯកកីឡាហែលទឹកនៅចិនWorld Championshipsកាលពីថ្ងៃអាទិត្យ ទី៣១ កក្កដា នៅក្រុងសៀងហៃប្រទេសចិនបន្ទាប់ពីរូបគេយកឈ្នះហែលផ្ងារចម្ងាយ៥០ម៉ែត្រ។
តានខក់បានយកឈ្នះមេដាយមាសបន្ទាប់ពីបានប្រើអស់ថិរវេលាតិចជាងគេបំផុត២៤.៥០វិនាទីនាំមុខកីឡាករបារាំងកាមីល ឡាគួ។ តានខក់ដែលជាកីឡាករការពារជើងឯករហូតមកដល់ឥឡូវនេះបានយកឈ្នះមេដាយចំនួន៥គ្រឿងហើយនៅក្នុងការប្រកួតWorld Championships៤លើក។ ក្នុងចំណោមមេដាយទាំង៥គ្រឿងនោះមាន២គ្រឿងជាមេដាយមាស។ ដូច្នេះគេគឺជាឆ្អឹងខ្នងមួយផងដែរសម្រាប់អត្តពលិកអង់គ្លេស។
កីឡាករចិនស៊ុន យ៉ាងបង្កើតបានឯតទគ្គកម្មពិភពលោកថ្មីនៅក្នុងការហែលសេរីចម្ងាយ១.៥០០ម៉ែត្រក្នុងថិរវេលា១៤នាទីនិង៣៤.១៤វិនាទី។ ថិរវេលានេះនាំឱ្យគេអាចបំបែកឯតទគ្គកម្មពិភពលោកដែលគ្មានអ្នកណាបំបែកបាន១០ឆ្នាំមកហើយរបស់កីឡាករអូស្ត្រាលីហ្គ្រែន ហាក់គែត(១៤នាទីនិង៣៤.៥៦វិនាទី)។
ចំណែកការហែលបណ្តាក់ឯកត្តជនចម្ងាយ៤០០ម៉ែត្រ មេដាយមាសបានទៅលើកីឡាករអាមេរិករីយ៉ាន ឡូចឆ៍។ ឡូចឆ៍បានបញ្ចប់ក្នុងថិរវេលា៤នាទីនិង០៧.១៣វិនាទី គឺលឿនជាងម៉ៃឃើល ហ្វ៊ែល៤វិនាទី។ នេះគឺជាមេដាយមាសទី៥ហើយសម្រាប់កីឡាករឡូចឆ៍ ។
នៅក្នុងការប្រកួតហែលបណ្តាក់ជាក្រុមផ្នែកបុរសចម្ងាយ១០០ម៉ែត្រ មេដាយមាសបានទៅលើក្រុមអាមេរិកដែលប្រើថិរវេលា៣នាទីនិង៣២.៦វិនាទី ។ មេដាយប្រាក់បានទៅលើក្រុមអូស្ត្រាលីខណៈក្រុមអាល្លឺម៉ង់ដណ្តើមបានមេដាយសំរឹទ្ធិ។ ឯក្រុមអង់គ្លេសបញ្ចប់ក្នុងលំដាប់ទី៦ប៉ុណ្ណោះ៕
ចែករំលែកព័តមាននេះ