ដើម្បីផ្តល់ទំនុកចិត្តដល់ភ្ញៀវទេសចរ វិនិយោគិន និងអ្នកការទូតនៅក្នុងប្រទេស ក្រសួងសុខាភិបាល បានជំរុញឲ្យបណ្តាមន្ទីរពេទ្យជាតិ ពង្រឹងសេវាកម្មវេជ្ជសាស្ត្រដល់អ្នកប្រើប្រាស់សេវាធានារ៉ាប់រង ខណៈដែលគុណភាព និងសេវាកម្មបម្រើសាធារណៈជនទូទៅត្រូវបានជម្រុញស្រាប់ទៅហើយ ។ ក្រសួងបានអះអាង…
ដើម្បីផ្តល់ទំនុកចិត្តដល់ភ្ញៀវទេសចរ វិនិយោគិន និងអ្នកការទូតនៅក្នុងប្រទេស ក្រសួងសុខាភិបាល បានជំរុញឲ្យបណ្តាមន្ទីរពេទ្យជាតិ ពង្រឹងសេវាកម្មវេជ្ជសាស្ត្រដល់អ្នកប្រើប្រាស់សេវាធានារ៉ាប់រង ខណៈដែលគុណភាព និងសេវាកម្មបម្រើសាធារណៈជនទូទៅត្រូវបានជម្រុញស្រាប់ទៅហើយ ។
ក្រសួងបានអះអាង នៅថ្ងៃទី២២ ខែមេសា ឆ្នាំ២០២៦ថា ប្រធានក្រុមប្រឹក្សាភិបាល និងថ្នាក់ដឹកនាំគ្រឹះស្ថានសាធារណៈរដ្ឋបាលទាំងអស់នៃមន្ទីរពេទ្យជាតិ ត្រូវឱ្យចុះអភិបាលកិច្ច និងត្រួតពិនិត្យការងារជាក់ស្តែង ជាពិសេសនៅផ្នែកសង្គ្រោះបន្ទាន់ និងផ្នែកប្រពោធនកម្មជំងឺធ្ងន់ (ICU) ដើម្បីធានាថា ការងារទាំងអស់ប្រព្រឹត្តទៅដោយមានប្រសិទ្ធភាព និងសម្របសម្រួលបានល្អ ។
ក្រសួងនៅបន្តលើកទឹកចិត្តឲ្យក្រុមគ្រូពេទ្យ ខិតខំប្រឹងប្រែងក្នុងការបម្រើសេវាពិនិត្យ និងព្យាបាល ឱ្យកាន់តែប្រសើរឡើង ទោះបីមានអ្នកជំងឺច្រើនកុះករ និងមានភាពមមាញឹកក្នុងមន្ទីរពេទ្យយ៉ាងណាក៏ដោយ ។
ក្រសួងក៏បានលើកទឹកចិត្តឲ្យបន្តយកចិត្តទុកដាក់ចំពោះប្រជាពលរដ្ឋដែលស្វែងរកសេវាវេជ្ជសាស្ត្រតាមបណ្ណសមធម៌ ប.ស.ស និង អ្នកជំងឺប្រើសេវាធានារ៉ាប់រង ៕
ចែករំលែកព័តមាននេះ