ខេត្តកែប ៖ មន្ទីរព័ត៌មានខេត្តកែប បានប្រកាសថា អណ្តើកសមុទ្រ (ល្មិច) មួយក្បាល ត្រូវបានលែងឱ្យមានសេរីភាពត្រឡប់ទៅក្នុងដែនសមុទ្រវិញហើយ បន្ទាប់ពីបានជាប់ខ្សែលប របស់អ្នកនេសាទដោយចៃដន្យ…
ខេត្តកែប ៖ មន្ទីរព័ត៌មានខេត្តកែប បានប្រកាសថា អណ្តើកសមុទ្រ (ល្មិច) មួយក្បាល ត្រូវបានលែងឱ្យមានសេរីភាពត្រឡប់ទៅក្នុងដែនសមុទ្រវិញហើយ បន្ទាប់ពីបានជាប់ខ្សែលប របស់អ្នកនេសាទដោយចៃដន្យ ។
ជាក់ស្តែងមន្ទីរព័ត៌មានខេត្តកែប បានប្រកាសនាថ្ងៃទី១៩ ខែមេសា ឆ្នាំ២០២៦នេះថា ៖ តំណាងឯកឧត្តមបណ្ឌិត សោម ពិសិដ្ឋ អភិបាលខេត្តកែប លោក ហ៊ួរ មិថុនា អភិបាលរងខេត្ត ទទួលបន្ទុកមន្ទីរកសិកម្ម រុក្ខាប្រមាញ់ និងនេសាទខេត្តកែប រួមជាមួយលោកឧត្តមនាវីទោ លី ហួត មេបញ្ជាការទីបញ្ជាការជួរមុខ អគ្គលេខាធិការដ្ឋាននៃគណៈកម្មាធិការជាតិសន្តិសុខលម្ហសមុទ្រ និងតំណាងអង្គការអភិរក្សសមុទ្រកម្ពុជា បានធ្វើការលែងអណ្តើកសមុទ្រ (ល្មិច) មួយក្បាល ត្រឡប់ទៅសមុទ្រវិញ បន្ទាប់ពីអ្នកនេសាទនៅកោះពោធិ៍ ប្រគល់ជូនស្នាក់ការសន្តិសុខកោះពោធិ៍ ក្រោយល្មិចខាងលើបានជាប់ខ្សែលបដោយចៃដន្យ ។ ល្មិច ឬអណ្តើកសមុទ្រ ត្រូវបានចាត់ទុកជាប្រភេទធនធានជលផលសមុទ្រដែលកំពុងរងគ្រោះថ្នាក់ ដែលត្រូវការការពារ ។
សូមបញ្ជាក់ថា ល្មិច ឬអណ្តើកសមុទ្រ គឺជាប្រភេទធនធានជលផលសមុទ្រដ៏កម្រ និងកំពុងរងគ្រោះថ្នាក់បំផុត ដែលទាមទារឱ្យមានការចូលរួមការពារ និងអភិរក្សយ៉ាងម៉ឺងម៉ាត់ពីគ្រប់មជ្ឈដ្ឋាន ដើម្បីធានានិរន្តរភាពប្រព័ន្ធអេកូឡូស៊ីសមុទ្រកម្ពុជា៕
ចែករំលែកព័តមាននេះ