សង្គ្រាមអ៉ីរ៉ង់ ៖ ក្នុងការចរចា រវាងអាមេរិកនិងអ៉ីរ៉ង់សំដៅបញ្ចប់សង្គ្រាម នៅមានការខ្វែងគំនិតគ្នាជាច្រើន ដោយខាងអ៉ីរ៉ង់មិនចង់ទៅកាន់ប៉ាគីស្ថានចូលរួមក្នុងការចរចាថ្មីជាមួយអាមេរិកឡើយ។ ខណៈសល់ពេល៣ថ្ងៃទៀត ដល់ការចប់បទឈប់បាញ់គ្នា២សប្ដាហ៍ ការចរចារវាងអាមេរិក និងអ៉ីរ៉ង់ហាក់ដូចជាមានការសម្របសម្រួលគ្នា…
សង្គ្រាមអ៉ីរ៉ង់ ៖ ក្នុងការចរចា រវាងអាមេរិកនិងអ៉ីរ៉ង់សំដៅបញ្ចប់សង្គ្រាម នៅមានការខ្វែងគំនិតគ្នាជាច្រើន ដោយខាងអ៉ីរ៉ង់មិនចង់ទៅកាន់ប៉ាគីស្ថានចូលរួមក្នុងការចរចាថ្មីជាមួយអាមេរិកឡើយ។
ខណៈសល់ពេល៣ថ្ងៃទៀត ដល់ការចប់បទឈប់បាញ់គ្នា២សប្ដាហ៍ ការចរចារវាងអាមេរិក និង
អ៉ីរ៉ង់ហាក់ដូចជាមានការសម្របសម្រួលគ្នា តែនៅមានការខ្វែងគំនិតគ្នាជាច្រើនដែលអីុរ៉ង់មិនចង់ចូលរួមក្នុងការចរចាវគ្គទី២នោះនៅទីក្រុងអ៉ីស្លាម៉ាបាដ ។
ទោះបីជាប្រធានាធិបតីអាមេរិកលោកដូណាល់ត្រាំប្រកាសនាពេលមុននេះ ពីការបញ្ជូនគណៈប្រតិភូមួយទៅកាន់ប៉ាគីស្ថាន ដើម្បីជម្រុញការចរចាសន្តិភាពតែទូរទស្សន៍រដ្ឋអ៉ីរ៉ង់រាយការណ៍
នាថ្ងៃទី១៩ មេសា ថា អ៉ីរ៉ង់ពុំមានចិត្តចូលរួមក្នុងការចរចាវគ្គថ្មីនោះជាមួយអាមេរិកឡើយ។ ដោយដកស្រង់ប្រភពអ៉ីរ៉ង់នានា ទូរទស្សន៍រដ្ឋអះអាងនាថ្ងៃទី១៩ មេសា ថា ក្រុងតេហេរ៉ង់បច្ចុប្បន្នពុំមានផែនការចូលរួមក្នុងការចរចាវគ្គថ្មីជាមួយអាមេរិកឡើយ ។
ចំណែកទីភ្នាក់ងារព័ត៌មានផ្លូវការអ៉ីរ៉ង់IRNA គូសបញ្ជាក់ថា ពុំមានទស្សនវិស័យច្បាស់លាស់ណាមួយនៃការចរចាប្រកបដោយផ្លែផ្កែឡើយ ។ រួចសារព័ត៌មានអ៉ីរ៉ង់់ជាច្រើនលើកឡើងថា ការលុបចោលការហ៊ុមព័ទ្ធដែនទឹកអ៉ីរ៉ង់ដោយកងម៉ារីនអាមេរិក នឹងជាលក្ខខណ្ឌដំបូងមួយសម្រាប់ការចរចា។ ប្រធានសភាអ៉ីរ៉ង់ និងជាប្រមុខក្រុមអ្នកចរចារបស់ប្រទេសនេះ លោកម៉ូហាម៉ាដបាក់ហ័រហ្គាលីបាហ្វ បានលើកពីការខ្វែងគំនិតគ្នាជាច្រើន។
ទោះបីយ៉ាងណា លោកត្រាំប្រកាស នាថ្ងៃទី១៩ មេសា ថា បានបញ្ជូនអនុប្រធានាធិបតីលោកឌីជីវ៉ានទៅកាន់ប៉ាគីស្ថាន។ អនុប្រធានាធិបតីរូបនោះធ្លាប់បានដឹកនាំគណៈប្រតិភូអាមេរិកមួយ មកកាន់ក្រុងអ៉ីស្ថាម៉ាបាដរួចហើយ កាលពីថ្ងៃទី១១ មេសា ដើម្បីចរចាតែការចរចានោះត្រូវបរាជ័យ។
ដោយប្រកាសពីការទៅដល់ក្រុងអ៉ីស្លាម៉ាបាដរបស់គណៈប្រតីភូចរចាអាមេរិក លោកដូណាល់ត្រាំអះអាងតាមបណ្ដាញសង្គមTRUTH SOCIALរបស់លោកថា បានផ្ដល់ដល់អ៉ីរ៉ងនូវសំណើសមស្របមួយ ហើយក្នុងករណីមានការបដិសេធ នោះសហរដ្ឋអាមេរិកនឹងកម្ទេចចោលទាំងអស់មជ្ឈមណ្ឌលអគ្គិសនីនិងស្ពានអ៉ីរ៉ង់ ។
សន្តិសុខកំពុងតែពង្រឹងខ្លាំងនៅទីក្រុងអ៉ីស្លាម៉ាបាដ សម្រាប់ការចរចាវគ្គថ្មីរវាងអាមេរិក និងអ៉ីរ៉ង់ ដោយវិថីជាច្រើនត្រូវបានបិទនិងមានការដាក់របាំង។ ក្រៅពីការចរចាក្រុងវ៉ាស៊ីនតោន និងក្រុងតេហេរ៉ង់ កំពុងបន្តការប្រឈមមុខដាក់គ្នាជុំវិញច្រកសមុទ្រហ័រមូស។ អាមេរិកបន្តការបិទខ្ទប់បណ្ដាកំពង់ផែអ៉ីរ៉ង់ ហើយលោកត្រាំប្រកាសនាថ្ងៃទី១៩ មេសា ថា នាវាពិឃាតអាមេរិកមួយគ្រឿង បានបាញ់លើនាវាកាហ្គាអ៉ីរ៉ង់មួយគ្រឿងនៅឈូងសមុទ្រអូម៉ង់ មុនពេលធ្វើការត្រួតពិនិត្យ។
លោកត្រាំនិយាយថា នាវាកាហ្គោឈ្មោះTOUSKA ដោតទង់ជាតិអ៉ីរ៉ង់នោះមកពីម៉ាឡេស៊ី ប៉ុនប៉ងឆ្លងកាត់ការបិទខ្ទប់ សមុទ្ររបស់យើង ហើយរងការបាញ់ប្រហារ។ មុននេះ លោកត្រាំបានបរិហារថា ជាការរំលោភបំពានទាំងស្រុងលើបទឈប់បាញ់គ្នា ការវាយប្រហាររបស់អ៉ីរ៉ង់លើនាវាពាណិជ្ជកម្មច្រើនគ្រឿងដែលប៉ុនប៉ងឆ្លងកាត់ច្រកសមុទ្រហ័រមូស ៕
ចែករំលែកព័តមាននេះ