ប្រទេសម៉ាឡេស៊ី ៖ អគ្គិភ័យដ៏សាហាវមួយកើតមាន កាលពីព្រឹកថ្ងៃទី១៩ មេសា ក្នុងភូមិជាប់ឆ្នេរសមុទ្រមួយនៃរដ្ឋសាបាហ៍ម៉ាឡេស៊ី ដោយបំផ្លាញផ្ទះសម្បែងប្រមាណ១០០០ខ្នង ប៉ះពាល់ដល់មនុស្សច្រើនពាន់នាក់។ តាមក្រុមអ្នកពន្លត់ភ្លើងថា ទោះបីយ៉ាងណា…
ប្រទេសម៉ាឡេស៊ី ៖ អគ្គិភ័យដ៏សាហាវមួយកើតមាន កាលពីព្រឹកថ្ងៃទី១៩ មេសា ក្នុងភូមិជាប់ឆ្នេរសមុទ្រមួយនៃរដ្ឋសាបាហ៍ម៉ាឡេស៊ី ដោយបំផ្លាញផ្ទះសម្បែងប្រមាណ១០០០ខ្នង ប៉ះពាល់ដល់មនុស្សច្រើនពាន់នាក់។ តាមក្រុមអ្នកពន្លត់ភ្លើងថា ទោះបីយ៉ាងណា ពុំមានមនុស្សណាម្នាក់រងរបួសឬស្លាប់ដោយសារគ្រោះអគ្គិភ័យនោះឡើយ ។
ភ្លើងបានឆាបឆេះក្នុងភូមិដែលផ្ទះសង់ខ្ពស់ពីលើផ្ទៃទឹកក្នុងស្រុកសានដាកាន់ភាគឦសានរដ្ឋសាបាហ៍ ។ ផ្ទះទាំងនោះភាគច្រើនសង់ពីឈើជាប់ៗគ្នា ។ ផ្ទះទាំងនោះ ជាជម្រកពិសេសរបស់បណ្ដាអ្នកក្រីក្រនៃសហគមន៍ម្ទាស់ស្រុក និងបណ្ដាមនុស្សមកពីខាងក្រៅ។ ប្រមុខប៉ូលិសស្រុកសាដាកាន់លោកចចអាប់រ៉ាក់ម៉ាន់ថ្លែងទៅកាន់កាសែតក្នុងស្រុកTHE STARថា គ្រោះមហន្តរាយនោះមានទំហំធំធេងបំផុត ប៉ះពាល់ដល់ប្រជាជនប្រមាណជា៩០០៧នាក់។
អគ្គិភ័យនោះប៉ះពាល់ដល់ផ្ទះបណ្ដែតទឹកបណ្ដោះអាសន្នប្រមាណជា១០០០ខ្នង ក្នុងទំហំផ្ទៃសរុប៤ហិកតា ដែលផ្ទះទាំងនេះត្រូវបំផ្លាញទាំងស្រុងដោយអណ្ដាតភ្លើង។ ក្រុមអ្នកពន្លត់ភ្លើងជួបការលំបាកមកពីផ្លូវចូលតូចចង្អៀត ដែលរថយន្តបាញ់ទឹកពិបាកចូលទៅដល់ ហើយពេលនោះក៏មានខ្យល់បោកបក់ខ្លាំងនាំឲ្យភ្លើងកាន់តែឆេះរាលដាលលឿនថែមទៀត ៕
ចែករំលែកព័តមាននេះ