ខេត្តកំពត ៖ ស្នងការដ្ឋាននគរបាលខេត្តកំពត ចាត់វិធានការក្តៅចំពោះក្រុមក្មេងស្ទាវជិះម៉ូតូបង្កអនាធិបតេយ្យ ដើម្បីធានាសុវត្ថិភាពជូនពលរដ្ឋក្នុងឱកាសបុណ្យចូលឆ្នាំថ្មី ។ ជាក់ស្តែងបើយោងតាមផេកស្នងការដ្ឋាននគរបាលខេត្តកំពត បានប្រកាស នាយប់ថ្ងៃទី១២ ខែមេសា…
ខេត្តកំពត ៖ ស្នងការដ្ឋាននគរបាលខេត្តកំពត ចាត់វិធានការក្តៅចំពោះក្រុមក្មេងស្ទាវជិះម៉ូតូបង្កអនាធិបតេយ្យ ដើម្បីធានាសុវត្ថិភាពជូនពលរដ្ឋក្នុងឱកាសបុណ្យចូលឆ្នាំថ្មី ។
ជាក់ស្តែងបើយោងតាមផេកស្នងការដ្ឋាននគរបាលខេត្តកំពត បានប្រកាស នាយប់ថ្ងៃទី១២ ខែមេសា ឆ្នាំ២០២៦នេះថា ៖ សូមប្អូនៗជិះម៉ូតូអោយស្រួលបួល ដូចបងប្អូនផ្សេងៗទៀត កុំជិះលឿន ហើយជ្រែរពេញផ្លូវ ដូចក្រុមគាត់នេះអោយសោះ ម៉ូតូចូលឆ្នាំហើយ ចាំមកយកជិះវិញ ព្រោះចូលឆ្នាំបងប្អូនប្រជាពលរដ្ឋមកលេងនៅខេត្តកំពតច្រើនណាស់ ជិះលឿនជិះជ្រែ ខ្លាចបង្កគ្រោះថ្នាក់ដល់ពួកគាត់ ។
សូមបញ្ជាក់ថា ការរឹតបន្តឹងនេះ ធ្វើឡើងក្នុងគោលបំណងការពារអាយុជីវិត និងសុវត្ថិភាពជូនភ្ញៀវទេសចរជាតិ និងអន្តរជាតិ ដែលបានសម្រុកមកកម្សាន្តនៅក្នុងខេត្តកំពតយ៉ាងច្រើនកុះករ នាឱកាសបុណ្យចូលឆ្នាំថ្មី ។ សកម្មភាពជិះម៉ូតូជ្រែ និងលើសល្បឿនកំណត់ មិនត្រឹមតែបង្កគ្រោះថ្នាក់ដល់ខ្លួនឯងប៉ុណ្ណោះទេ ប៉ុន្តែវាក៏ជាហានិភ័យខ្ពស់បំផុតក្នុងការបង្កគ្រោះថ្នាក់ដល់អ្នកដទៃ ដែលកំពុងធ្វើដំណើរលើដងផ្លូវផងដែរ ៕
ចែករំលែកព័តមាននេះ