ខេត្តព្រះសីហនុ ៖ តាមការឱ្យដឹងពីមន្ត្រីនគរបាលអន្តោរប្រវេសន៍ច្រកទ្វារកំពង់ផែរស្វយ័តក្រុង ខេត្តព្រះសីហនុបានឲ្យដឹងថា នៅវេលាម៉ោង១២ និង៣០នាទីព្រឹកថ្ងៃទី១២ មេសា ឆ្នាំ២០២៦ មាននាវាទេសចរណ៍មួយគ្រឿងឈ្មោះ នាវាខ្នាតយក្សឈ្មោះPino…
ខេត្តព្រះសីហនុ ៖ តាមការឱ្យដឹងពីមន្ត្រីនគរបាលអន្តោរប្រវេសន៍ច្រកទ្វារកំពង់ផែរស្វយ័តក្រុង ខេត្តព្រះសីហនុបានឲ្យដឹងថា នៅវេលាម៉ោង១២ និង៣០នាទីព្រឹកថ្ងៃទី១២ មេសា ឆ្នាំ២០២៦ មាននាវាទេសចរណ៍មួយគ្រឿងឈ្មោះ នាវាខ្នាតយក្សឈ្មោះPino LAND សញ្ជាតិ BERMUDA ដឹកភ្ញៀវទេសចរចម្រុះជាតិសាសន៍ចំនួន៩៩៦នាក់ ក្នុងនោះ មានស្រី៥៥៧នាក់ មាន១១សញ្ជាតិ មាននាវិកចំនួន៥០១នាក់ ក្នុងនោះ មានស្រី១២៤នាក់មាន១៣សញ្ជាតិ បានចូលចតនៅកំពង់ផែស្វយ័តក្រុងព្រះសីហនុប្រកបដោយសុវត្ថិភាព ។
មន្ត្រីនគរបាលអន្តោប្រវេសន៍ច្រកទ្វារកំពង់ផែស្វយ័តក្រុងខេត្តព្រះសីហនុបានឲ្យដឹងថា គោលបំណងនៃការចូលចតនាវាទេសចរណ៍ខាងលើ ដើម្បីមកទស្សនាប្រទេសកម្ពុជារយៈពេលមួយថ្ងៃមុនថ្ងៃចូលឆ្នាំប្រពៃណីជាតិខ្មែរ ដើម្បីឈ្វេងយល់ពីវប្បធម៌ និងប្រពៃណី និងការអភិវឌ្ឍន៍នៃព្រះរាជាណាចក្រកម្ពុជា ។
នៅក្នុងឱកាសនៃការចូលចតនាវាខាងលើនេះ មន្ត្រីនគរបាលអន្តោរប្រវេសន៍ ច្រកទ្វារកំពង់ផែស្វយ័តក្រុង/ខេត្តព្រះសីហនុ បានជួយសម្រួលក្នុងការធ្វើបែបបទលើប៉ាស្ព័របន្ថែមដើម្បីសម្រួលដល់ការធ្វើដំណើរបន្តរបស់ភ្ញៀវ។
ជាមួយគ្នានេះ ភ្ញៀវទេសចរ ក៏បានធ្វើដំណើរកំសាន្តនៅតាមតំបន់រមណីយដ្ឋាននានានៅក្នុងក្រុងព្រះសីហនុកំសាន្តតាមតំបន់ឆ្នេរ, និងតាមទីអារាមនានានៅក្នុងក្រុង/ខេត្តព្រះសីហនុផងដែរ។
លក្ខណ:បច្ចេកទេសនាវា មានបណ្តោយ២៦០,៩៧ម៉ែត្រ និងទទឹងមានប្រវែង៣២,២ម៉ែត្រជំរៅទឹក៨,២៥ម៉ែត្រ ធ្វើដំណើរមកពីប្រទេសBRUNE និងបន្តដំណើរទៅប្រទេសវៀតណាម។
ភ្ញៀវទេសចរដែលមានចំនួនច្រើនជាងគេ ( CHINA) មានចំនួន៩៦១ ក្នុងនោះ មានស្រី៥៤០នាក់។ នាវាខាងលើ ធ្វើដំណើរទៅប្រទេសវៀតណាមនៅវេលាម៉ោង២១,00នាទីយប់នៅថ្ងៃដដែល ។
ចែករំលែកព័តមាននេះ